影片
更多
2021-07-22
65 瀏覽
屯馬開通～真的很興奮～加上疫情關係太耐冇返台灣家鄉喇!即刻趁哩個機會參加屯馬紀念盃，去等等hea懷緬一下家鄉美食先😋Book左6點台灣放題on time到達，同門口態度唔太好既姐姐報到完，都要係出面熱住等10分鐘先入到去坐🥵終於有冷氣涼喇！失望既係冷氣唔夠大而且座位唔舒服好似擠迫戶咁，放得隻腳黎又放唔到個袋🤯而且鋪頭既座位已經冇位置去放多張櫈喇...(另外餐具唔乾淨，換碗換筷子都換左2次都係睇得出污漕既，要自己再另行消毒。)埋位第一時間拎晒d放題紙出黎大點特點，作為一個香菜達人當然要重點試試佢既芫荽野啦😋點到七七八八既時候發現點解冇飲品紙既🤔我朝思暮想既台式飲品無理由冇得點㗎啵！問問職員先木口木面咁比返齊d點餐紙😑放題上菜速度出名快，但係哩間既放題真係好慢😴等左10分鐘之後，最快到既係杯飲品🥤奶蓋蜜桃烏龍...一句講晒🥴唔好味～個奶蓋又溶唔晒落杯野到，好多一粒粒既碎碎充滿住杯飲品(一D都唔台式😵)距離杯飲品相隔10分鐘，第二道菜終於上喇～就係本人期待已久既芫荽蛋卷！份量好大份，好似酒樓例牌咁大份既非一般放題份量😱滿滿既芫荽鋪滿蛋卷上面，但係味道就大失望，蛋卷入面有未熟晒既蛋漿同埋好假好
Book左6點台灣放題on time到達，同門口態度唔太好既姐姐報到完，都要係出面熱住等10分鐘先入到去坐🥵
終於有冷氣涼喇！失望既係冷氣唔夠大而且座位唔舒服好似擠迫戶咁，放得隻腳黎又放唔到個袋🤯而且鋪頭既座位已經冇位置去放多張櫈喇...(另外餐具唔乾淨，換碗換筷子都換左2次都係睇得出污漕既，要自己再另行消毒。)
埋位第一時間拎晒d放題紙出黎大點特點，作為一個香菜達人當然要重點試試佢既芫荽野啦😋點到七七八八既時候發現點解冇飲品紙既🤔我朝思暮想既台式飲品無理由冇得點㗎啵！問問職員先木口木面咁比返齊d點餐紙😑
放題上菜速度出名快，但係哩間既放題真係好慢😴等左10分鐘之後，最快到既係杯飲品🥤奶蓋蜜桃烏龍...一句講晒🥴唔好味～個奶蓋又溶唔晒落杯野到，好多一粒粒既碎碎充滿住杯飲品(一D都唔台式😵)
距離杯飲品相隔10分鐘，第二道菜終於上喇～就係本人期待已久既芫荽蛋卷！份量好大份，好似酒樓例牌咁大份既非一般放題份量😱滿滿既芫荽鋪滿蛋卷上面，但係味道就大失望，蛋卷入面有未熟晒既蛋漿同埋好假好人工既芫荽味！口感好水遛遛 滑潺潺，連芫荽達人都食唔晒就知道有幾失望😵
隨後點既食物陸續地送上，份量超級大份，味道非常普通+食唔到台灣風味：
芫荽鹽酥雞： 冇芫荽味，純粹放左幾條芫荽係上面+落左d冇芫荽味既芫荽粉🥴
魯肉飯+蚵仔魯肉飯：超大碗，魯肉味道普通 飯好多 蚵仔前所未有咁難食 送飯食好腥🥴
甜不辣： 我以為自己食緊魚片頭🤣，勁乾身又冇醬點，味道唔係甜又唔係咸，唔知自己食緊乜野🥴
黑松露墨魚丸：嗰點黑松露真係勁珍貴🤣石油氣味唔濃郁，墨魚丸唔重墨魚味，唔彈牙好似食到成口粉咁😖
三杯雞：超級乾身既雞，食到有雞既雪味🥴碟野上到台面已經凍凍地，食唔到有鑊氣熱辣辣既台灣街頭味道
劣評左佢咁耐 都有d野食係發揮基本水平既有: 雞泡魚魚肝同埋台灣腸(紅色豬肉腸 黑色墨魚腸)
最後埋單個陣，老闆娘同員工嘈交，睇得出佢地員工關係麻麻地，加好忙上唔切食物，佢地既嘈交令到食客們感到尷尬😵
總之，哩間野試過一次就冇下次喇～無論環境座位、食物質素同份量、員工禮貌同整間鋪頭既氣氛都不合格，而且打住台灣風味既響頭，得出失望既港式味道，真係試過一 不可再了。
0 瀏覽
0 讚好
0 留言
張貼
