老富昌色彩 (已結業)

是日晚上睇戲，同朋友諗住食完飯才上戲院。food court食過多次，意粉屋又忘記得八折咭，行過老富昌，真係比佢嘅色彩及靚餐牌吸引到，價錢亦相而，拍板，入座。因為時間很早，所以waiter示意可坐卡位，望落去，座位真的很舒服，只可惜係貼住一塊落地玻璃，外面行過嘅人可以一清二楚望入嚟，好話唔好聽「你食咩都可以睇得清清楚楚」，我相當不像當金魚..所以要坐入少少，waiter聽見，話可以，但...面黑！打開餐牌，樣樣都很吸引，特別酥皮洋葱湯，所以我一定order佢呀！所以兩人都唔點set dinner，order咗酥皮洋葱湯(我的)：個酥皮已經唔係平時其他西餐廳款式，我覺得好似係一個麵包點嘅吞拿魚包嘅包皮，超薄呢，但最重要嘅湯，好咸好咸，連我呢個咸人都覺得咸就真係離譜，真係做得好差！蕃茄湯(朋友的)：朋友說都係好咸同杰杰哋，好似飲緊個sauce咁，唔係飲湯煙三文魚天使麵：呢個做得不錯，可惜天使麵好快就攤涼了，煙三文魚係碎上with天使麵，唔係一塊塊，如果再熱點，係不錯嘅！牛扒、雞扒、豬肋骨拼小羊架(即是什扒囉)跟薯條：其實我都唔想用什扒形容佢，但實在很差勁呀，除咗薯條炸得好味外，其他一律唔得