健康工房 (已搬遷) 新店位置

早兩日同老公去吉之島行街兼食午餐，想食d清清地嘅野，見健康工房有粉麵食，就入去試下！呢度主打飲涼茶食糖水。食物方面有燒賣呀菜肉包呀果d，另外仲有幾款粉麵，選擇並唔算好多。我叫左一碗瑤柱蝦米香菇粉仔，老公叫左雞絲雜菇麵，兩碗加埋$110。兩碗嘅份量唔算太多，味道清清地，但兩碗麵都好淋，完全冇咬口。我碗粉仔除左幾隻香菇就無餸，都幾齋下！老公碗麵只有幾條雞絲，再加幾舊菇，都係無冇餸！真係幾貴下！應該無下次吧！