黑樺牛 (已結業)

記得幾年前食過黑樺牛，之前提議打邊爐食和牛為主，始終佢哋有自家牧場可以平靚正入和牛，但今次去book枱見佢哋而家主要做一個好豐富嘅和牛海鮮套餐，有海鮮蒸氣鍋同大量手工小食，當然唔少得最後A5和牛打邊爐😍A5帝王和牛海鮮 $438/位滋潤魚肚燉雞湯雞湯底好鮮甜，三款頭盤小食都係最後放題可點，但先以頭盤形式開開胃。鬼馬油炸鬼係蝦膠釀油炸鬼，新鮮炸起脆卜卜，口水汁麻辣拼盤有皮蛋、牛展、魚皮，自家製麻辣汁食到停唔到口。正宗泰式串燒拼盤有香葉炸雞、炸蝦餅等等，真係幾有泰式風味蒜蓉辣椒卜卜蜆粉絲煲可以揀BB辣，蜆肉細細粒但好鮮甜一粒沙都冇，等緊海鮮嘅時候有小食食住先好開心 海鮮蒸汽鍋會包括隨機七款海鮮，我哋當晚有紐西蘭青口、即捕本地海蝦、墨魚仔、青森縣產扇貝皇、即捕九孔鮑、大船渡岩蠔、即捕時令本地鮮蟹。店員會幫手放咗頭一輪海鮮，我哋可按照牆上建議秒數蒸海鮮，全部都好新鮮鮮甜，尤其是本地海蝦超彈牙，本地鮮蟹蟹膏都好甘甜，蟹肉好滑打邊爐我哋揀咗打卡一流嘅北海道豆乳玫瑰芝士，鹹鹹地芝士味好香。叫得$438餐當然要主打A5和牛！A5熊本黑樺和牛特上霜降牛小排、A5熊本黑樺和牛千本筋、A5 熊本黑樺和牛肩胛