雲吞麵大王 (已結業)

之前喺佢開張日諗住幫趁，但可能吉時未到，摸咗門釘，後尾去咗對面譚仔三哥度食。今次路過諗住喺門口細心睇吓個餐牌先，點知老細就行出嚟好有自信咁話：『我哋出名個麵同煲仔菜，啲麵全港最靚，第二度都食唔到！……』入到去唔算多人，有卡位，我同太座叫咗 牛根腩麵、蝦籽撈麵、芥蘭同埋炸雲吞。首先講個牛根腩麵，牛根比牛腩多，個麵份量係比起其他店的多，麵底相對地幼，亦算彈牙，但係啲梘水味亦都明顯，即刻失分。而牛根同牛腩就夠𣺉，呢樣都算OK，如腩汁餚得再濃一點就更好。至於蝦子撈麵，賣相頗吸引，因麵條夠挺身，可於碟上鬆起，麵上蓋上一片蝦籽，感覺相當味美。一夾入口，我承認呢個麵嘅梘水味冇咁明顯，因有蝦籽影響，但蝦籽有點腥啊！雖然不算太腥，但我特別唔受得腥，最終要放入個腩麵嘅湯底度沖沖才可將呢個麵消滅。至於芥蘭就夠大碟，啲菜青甜，唔貴(十多元），推介。而炸雲吞，就出奇地好食，雖然唔算大粒，加上食之前一心諗住會好似啲麵咁有梘水味，點知就有驚喜。餡料冇乜肥猪肉（唔夠傳統都係咁話），有蝦，最出息係粒炸雲吞炸得鬆化！就算慢慢食，但食到最後一粒都仲好脆，加埋個酸甜醬（雖然應該唔係自家製），就成為今晚喺<<雲