太興 (已結業)

覺得呢度地方有D窄，腳都無初放，不過無辦法啦，係家香港地寸土寸金吖。好喇，講番食野度，企地嘅燒鵝好正，皮燒得好脆，肉好嫩，皮下面仲有薄薄一層脂肪，呢層肥油就係我嘅摯愛吖，真真正正嘅肥鵝吖，一啖咬落去，皮酥脆肉嫩仲有些小油脂溢出，口水啊、叉燒都係要嘅肥叉，作為一個女人我知咁樣好唔咁，但係我真係鐘意肥肉多過鐘意瘦肉吖、叉燒甜甜嘅，咸甜適中，醬汁好好味，簡直令我停唔倒嘴吖。燒肉都好夠火候，皮又厚又脆，肉隔肥隔瘦都仲有小小肉嘅甜味，係燒肉中都係唔錯嘅啦。奶茶都真心唔錯，又濃又滑，真係唔錯吖、推薦呢家、