太子茶餐廳 (鯉魚門廣場)

營業中

休息中

雖然寫字樓在西九龍，但工作需要港九新界都去，今日晨早要去油塘做野，本著支持小店的精神，所以唔幫襯商場內集團式食店，反而走入街市搵太子，當然，入到去就發現，乾淨的裝修+闊落的卡位+勁大的電視，基本上沒有半點街市味道。叉燒一丁，整齊的四片叉燒，貼心的附上幾條菜，叉燒唔係頭頭尾尾，亦冇話硬實實咬唔開，莫非就係在隔鄰的燒味店取貨所以較新鮮？餐配選了珍寶腸炒蛋多士，成個餐味道正正常常，奶茶夠熱但茶香一般。價錢38蚊以街市而言少少貴，應該揀咩？街市feel收費平？食好D收貴D?