食包 (已結業)

手打牛王漢堡 $68有蕃茄丶流心蛋丶芝士丶生菜同埋手打漢堡扒😗 漢堡入邊有流心蛋 一咬落去啲蛋汁就流晒出嚟 就好似佢個包裝盒咁講🤣👍🏻 肉質唔乾都好味！韓式辣醬蝦堡 $88呢個係期間限定 仲係新口味添 所以就試吓啦 有菠蘿片丶芝士丶炸蝦餅同埋特別整嘅韓式辣醬☺️ 辣醬嘅口味係甜辣嗰種 所以都唔算話好辣 店員話菠蘿配埋蝦餅 非常夾❤️ 我食落都覺得唔錯 口味幾特別幾新鮮！！洋蔥圈 $15炸得幾香脆 雖然佢係洋蔥蓉嗰種 不過我覺得個味道都幾好😌😆呢間外賣漢堡包嘅餐廳 款式都幾多 價錢合理🥰 都幾啱而家外賣返屋企食 值得一題係餐廳環境非常企理乾淨 店員做嘢都好爽手👍🏻