串街 (已結業)

一到夜深就口痕想食野，夜媽媽又唔知有咩好食，係太子行行下就發現到一間好醒目有兩幅大大對聯掛係出面既鋪頭，行近一睇個名又幾盞鬼喎，就決定同友人入去醫下個肚🫶🏽入去坐低環境乾淨企理，都好闊落，位與位之間唔會話好迫，又有歌聽，又坐得幾舒服✨ 拎左點單紙睇完個下同友人既第一個反應都係：好抵！於是一口氣點左10幾串，準備大快朵頤🤍 燒牛肋粒串$20燒牛舌$26燒豬五花$15燒羊肉串$18安格斯牛柳粒$26燒翠肉瓜$14燒牛舌好煙軔有咬口，牛柳粒牛味濃又唔會燒得好軔或者乾，牛肋粒加左孜然惹味令人胃口大開，特別一提係個羊肉串，入口又香又滑，D油香出哂黎，非常滋味，有驚喜！燒金菇肥牛卷$26燒煙燻香腸$12燒牛丸$14燒墨丸$14另外冇諗過既係除左肉類，腸同丸類都幾出色，牛丸非常彈牙，咬落去係好多汁蒜蓉粉絲大扇貝$33蒜蓉燒生蠔$28海鮮方面都冇令人失望，生蠔好新鮮，燒得啱啱好，一啖擺落口滿足感十足。另外扇貝亦夠哂大粒，放係面d粉絲絕對冇手軟，唔洗就住就住驚得少少好快食哂，因為佢真係比好多你！牛油金菇$26見到個名隔離有讚好圖示就叫左份試下，份量好充足，蒜蓉夠哂香，牛油味又夠濃厚，汁多食落味道豐滿好j