翱希冰室 (已結業)

同爸爸喺附近辦事，順便嚟呢頭搵餐廳食個快飯～呢間翱希冰室，雖然門口搭咗個棚，但係入邊都係正常營業緊嘅～食物款式都唔少，仲幾有創意添，除咗一般冰室有嘅食物，另外仲有炒粉麵、咖喱、焗飯意粉等等菜式。價錢都係幾十蚊，性價比好高。蔥花炒蛋五香肉丁漢堡孜然薯條🍟$48非常有創意嘅一款茶餐，嫩滑嘅蔥花炒蛋+超大堆頭五香肉丁，夾左喺個漢堡入邊，重口味得來充滿香港特色，廚師仲要係漢堡包上面用沙律醬畫咗個星星添😛真係非常特別！配上孜然薯條，係我鍾意食嘅粗薯條，啱啱炸起熱辣辣～炭燒豬頸肉炒烏冬$52雖然係好簡單嘅炒嘢一碟，佢抵食夾大件得嚟又香口，充滿鑊氣！仲有奉送老火湯添，當日嘅老火湯係合掌瓜紅蘿蔔煲豬骨，飲落幾有家常嘅感覺～紅豆冰+$8去冰室就梗係要飲紅豆冰啦，紅豆冰帶有少少椰奶香味，紅豆煮得夠淋，好好飲啊！