巨人冰室 (已易手) 新餐廳

今日又去太子打波，打完波又要搵地方醫肚，第一時間就諗到去巨人冰室，一來嗰度冷氣夠地方乾淨，以來嗰度啲食物唔貴味道又好，又界限街運動場行去都只係5分鐘。老闆娘安排我坐係一個單人卡位，等我可以有地方放我的球拍。我叫咗最鍾意食嘅蔥油豬扒蛋飯，加一杯凍檸茶。以前淨係食白切雞先有蔥油，依家食豬扒飯都有蔥油啦。豬扒鬆軟，蔥油夠香，煎蛋係半生熟蛋，用嚟撈飯真係一流，連凍飲都係$59蚊咋！太子區來講算係非常實惠，我下次打完波一定會再去幫襯。