泰巷 (已結業)

放假起身道啱啱好可以食tea，今次揀咗CityWalk嘅泰巷！去到無咩人，即時可以入得！同朋友一人叫咗一個Tea set，分別喺無骨豬手湯金邊粉同泰式雞翼米粉，湯粉類可以選擇清湯，咖喱湯同冬蔭公湯，嚟得食泰式嘢當然要試吓冬蔭公湯底啦！題外話，等嘢食嘅時候，見到好多人都order咗意粉，其實賣相唔錯，早知就叫一個試吓啦，唔駛同朋友一齊中伏嘛！講番個主角先，呢個就喺我嘅泰式雞翼米粉，雞翼喺另上嘅！餐廳好有心思噤將雞翼另上，仲用咗一個煎pan做碟！但所有碗同碟都好多油黏住，感覺好唔乾淨，未食就扣咗好多分。呢個米粉份量OK，但味道就好淡，一啲冬蔭公味都無，同清湯其實無咩分別，好失望！ 食完仲好口渴，唔知喺咪落咗好多味精呢加推埋朋友嘅無骨豬手湯金邊粉！呢個睇落先似冬蔭公湯嫁嘛！豬手味道ok，無骨仲方便食！但份量太小，加上金邊粉都唔多，朋友話食完都唔夠飽！湯底味道濃得多，但同冬蔭公湯都喺有少少距離！呢兩碗唔講都唔知一樣喺冬蔭公湯底，因為色水同味差太多！其實開咗一段時間，真喺唔expect同一張單嘅食物品質都差噤遠。。。想翻炒？真喺卻步！