木船 (已結業)

太和呢間「木船」經常都滿座！今日就決定平日早少少黎食，避開人流！同朋友兩個人黎食，熱辣辣天氣緊係叫兩個沙冰先啦！好掂！樣又靚 味道又天然，無人造甜味或怪味！夏日芭東海灘（菠椰）原隻迷你西瓜沙冰青木瓜沙律都好快奉上，份量好足唔係好辣的，連我平時唔食得辣都覺得唔太辣。食落好fresh，岩晒炎炎夏日。跟住主菜嚟啦！招牌菠蘿炒飯配虎蝦！賣相好吸引呀！虎蝦好大隻又爽口，菠蘿平時人地得菠蘿粒，佢有之餘，仲有成串燒菠蘿抵讚！飯粒顆粒分明，炒飯廚師好有功力！小食拼盆最後送上。全部都熱辣辣新鮮炸好，睇個顏色都知正啦，炸到金黃色呢間餐廳裝潢，食物都好靚，又好食，簡直係視覺加味覺大享受！