平時有食開越棧，覺得佢性價比高，間唔中諗唔到食咩好，就會好自然走去幫襯。
其實好耐之前，已經想寫一篇食評關於這餐廳，無奈係OpenRice找不到它。直至最近，先至發現它的存在。非常有幸，能夠寫它第一篇食評。
「越南生熟牛肉金邊粉」
比起坊間很多越南餐廳，佢嘅份量多少少，但價錢就平少少。牛肉比例都多，食過旺角及銅鑼灣某些越南餐廳，牛肉只有2-3塊 ,仲要勁薄切。味道方面，唔會好似其他餐廳咁喊，個湯青得來唔會驚味精。整體感覺好滿意。
「越南香茅豬扒湯河」
香茅豬扒好入味，炸得好香口，都是大大塊的，成塊豬扒上，份量對於男士來說啱啱好，女士就十分滿足。
餐廳內有兩個服務員姨姨非常親切，每次見到有小朋友，都會主動攞BB櫈及小朋友餐具。有小朋友的家長，不妨一家大細去試試。
