譽小館 (已結業)

太和入面要飲茶得翠園，新開左譽小館平啲不過行過幾次都唔算好多人食，見新開同家人去試下佢有燒味，點心，炒粉麵飯我地每樣都叫左啲黎試燒味叫左叉燒 燒腩仔飯燒味份量唔算多，不過醬料就俾得好齊無叫雞都俾左薑蓉，撈飯一流叉燒幾入味，調味唔錯，惟蜜汁唔夠多肉質幾軟腍，微胖帶少少油脂香，唔錯燒腩仔皮唔算好脆，但個人鐘意佢唔會好肥有時啲肥膏同肉5:5 真係好油膩呢到有少少脂肪，肉質唔會硬或者柴👍🏻👍🏻👍🏻點心叫左金錢肚同埋蒸排骨金錢肚份量幾足，而且舊舊都厚切，但咬落唔會好韌，口感唔錯👍🏻醬汁唔會好結好稠，調味濃左少少，微辣蒸排骨幾好唔會有雪味偏乾幾好，唔會好似出面啲黏稠既排骨汁咁少量肥膏加番啲油脂香，底下既芋頭粉粉地，吸晒香味肉絲炒麵個醬汁無味，令到成個麵都好淡加番啲喼汁就好好多側邊啲麵好脆好好食配埋啲肉絲、香菇、芽菜、三色椒、蔥口感味道都幾豐富既☺️福建炒飯個汁都係偏稠，但味道唔錯，夠味但唔會太咸配炒都幾豐富，有蝦、雞肉、菜芯、菇、蘿蔔等等炒飯底幾香，成個撈埋一齊食幾好食