翰騰閣

營業中

休息中

今晚同班friend去咗太古城一間中式小菜館，環境就典型商場酒樓格局，燈光幾光猛，枱與枱之間唔算逼，傾計都舒服嘅。叫咗幾款小菜，鹹魚茸生煎肉餅（8件）真係幾好食，外皮煎到脆卜卜，鹹魚香超惹味，一啖一件停唔到口，菜遠鮮百合炒龍躉球都唔錯，魚肉彈牙冇雪藏味，加埋百合清清地幾有層次，其他菜式就普普通通，紅燒豆腐個芡厚咗少少，南乳齋煲夠淋但偏淡口，大澳蝦干唐生菜煲就正常發揮。 價錢方面略貴少少，不過侍應服務真係要讚，換碟加水好勤力，笑容仲好好如果喺附近想搵間坐得舒服嘅街坊飯堂可以試吓，但特登過嚟就未必啦！