影片
更多
2017-04-22
426 瀏覽
期待已久的天草漁場終於在香港開幕啦！作為超級日本料理控，我當然忍唔住馬上要去朝聖🤗！天草位於日本九州的熊本縣，地理位置得天獨厚，水質潔淨，海產資源豐富。依家唔洗飛去日本都能食到原汁原味嘅天草料理，實在太振奮人心了！😍😍「海膽刺身」$時價主廚話天草的海膽主要食海中昆布，當地昆布健康，所以海膽都特別靚。呢到嘅海膽每日由天草新鮮空運到港，味道甘甜鮮美，一流！「鰹魚藁燒」 $128主廚即席在餐廳陽台上烤魚，不時翻翻厚大嘅魚塊，不時加入乾草，令火勢燒得更旺盛，技藝純熟，可見一斑，我地都好佩服呢！魚皮燒得既香且脆，油脂滿佈，滴一點青檸汁調味更令人齒頰留香。「熊本蕃薯煙豚」 $98豚肉肥瘦適中，肉質爽口，表面的一層醬汁酸酸辣辣，整體味道略鹹，頗為惹味。不過，實在吃不出哪裏有蕃薯😅「喜之次鹽斧燒」$680起光看賣相便已先聲奪人，表面望落酷似麵包🍞，其實係鹽同蛋白黎架😂。店家待我們拍完照後便用木槌敲碎表面，再揭開一層昆布，終於見到「喜之次」嘅真身啦！上網做咗啲功課，原來「喜之次」係日本有名嘅頂級魚獲，最佳品嚐期為秋天至初春。由於捕捉不易，離水即死，所以非常矜貴。「喜之次」魚身約長20-30厘米，色澤鮮紅
天草位於日本九州的熊本縣，地理位置得天獨厚，水質潔淨，海產資源豐富。依家唔洗飛去日本都能食到原汁原味嘅天草料理，實在太振奮人心了！😍😍
「海膽刺身」$時價主廚話天草的海膽主要食海中昆布，當地昆布健康，所以海膽都特別靚。呢到嘅海膽每日由天草新鮮空運到港，味道甘甜鮮美，一流！
「鰹魚藁燒」 $128主廚即席在餐廳陽台上烤魚，不時翻翻厚大嘅魚塊，不時加入乾草，令火勢燒得更旺盛，技藝純熟，可見一斑，我地都好佩服呢！
魚皮燒得既香且脆，油脂滿佈，滴一點青檸汁調味更令人齒頰留香。
「熊本蕃薯煙豚」 $98豚肉肥瘦適中，肉質爽口，表面的一層醬汁酸酸辣辣，整體味道略鹹，頗為惹味。不過，實在吃不出哪裏有蕃薯😅
「喜之次鹽斧燒」$680起光看賣相便已先聲奪人，表面望落酷似麵包🍞，其實係鹽同蛋白黎架😂。
店家待我們拍完照後便用木槌敲碎表面，再揭開一層昆布，終於見到「喜之次」嘅真身啦！
上網做咗啲功課，原來「喜之次」係日本有名嘅頂級魚獲，最佳品嚐期為秋天至初春。由於捕捉不易，離水即死，所以非常矜貴。「喜之次」魚身約長20-30厘米，色澤鮮紅，眼睛又大又圓，有啲似我哋香港人食開嘅大眼雞魚。食第一啖，已經決定呢條魚係我今日嘅最愛！肉質細緻，含水量高，吸收晒表面層鹽嘅精華，點醬汁食更是滋味，水準極高！
「鵝肝雞翼」 $88用精緻嘅黑盒子盛載，就好似一份禮物，盡見心思。
打開後更是驚喜連連，盒中鋪滿禾稈草，感覺非常「原始」，哈哈。
雞翼早已拆骨，釀了鵝肝於其中，咬落去即刻爆汁！而雞翼同鵝肝味道都幾夾，配搭挺新鮮。
「天草緋扇貝」$78擺盤精緻，又係一碟藝術品！扇貝肥美，但啲汁更加係精華中嘅精華，記得飲埋佢，唔好嘥啊！伴碟有一粒係BB奇異果，都相當好味。
「天草黑毛和牛」 $488火候嘅掌控一流，和牛表面剛剛熟，內裏則透著粉紅光澤，口感細緻，又軟又嫩，必試！
「自家免治雞肉」 $98來到最後一道菜，依然冇令我失望。免治雞肉煎得香口，雞肉雖然一夾就散，但尚算彈牙。配上流心溫泉蛋和醬油，絕對可以送幾碗白飯！但店家建議嘅食法係連同翠肉瓜一齊食，果然冇咁膩。
雖然每一道菜嘅份量都唔多，但店家重質不重量、貴精不貴多，道道皆為水準之作。我最欣賞佢地一絲不苟嘅認真態度，由食材、擺盤、配菜，以至餐具，都務求盡善盡美。呢餐雖然貴，但絕對值！
張貼
