天然酵母麵包店

營業中

休息中

假日經過英皇道被呢間落地玻璃窗嘅麵包店吸引著入到店內，右手邊一個大玻璃櫃裝滿林林總總嘅麵包和曲奇餅，店內標榜天然酵母菌做嘅麵包，响玻璃櫃後面係一個頗大嘅廚房，幾乎係佔店內一半。玻璃櫃旁有收銀機，店內除了售買麵包之外，更在左邊設有座位堂食享用麵包店面積都幾大，又有些植物各樣小擺設，我聽見店內傳內鋼琴聲，原來店內深處更有一座鋼琴，剛巧有位外籍女顧客在彈鋼琴那朝一大早，堂食顧客並不太多，飲杯香濃咖啡，加幾片麵包，更附有自製的果醬，非常寫意堂食完，忍唔住買咗個天然酵母提子橙皮麵包回家慢慢嘆，由於新鮮出爐熱辣辣，所以沒有叫店員幫忙切開。麵包重量十足，麵包外皮脆，內裡軟熟加埋橙皮提子，又有咬口兼質感，不用搽醬已經很可口美味不似一般連鎖麵包店，係十分有心製作健康真材實料的麵包店。