漁牧 (已結業)

早幾日去IKEA 買嘢 ，順便係附近食埋午餐。天氣轉凍，第一時間就諗起食辣，所以揀咗漁牧。嗌咗3個前菜，一個主食麻辣腎片 $42腎片厚切，咬落有口感。香甜爽口菜$26超有驚喜，原來旺菜生食，配上芝麻醬係非常爽甜！👍🏿青瓜拌海蜇(1份）海哲分量不少。青瓜爽甜，微微辣，開胃前菜。主菜四川百味水煮魚 $268 湯頭麻辣，惹味。魚肉係脆肉鯇，肉質結實，爽脆。配料仲有芽菜、海帶，仲有吸晒湯汁嘅紅薯寬粉！一份嘅分量都幾多，食極都仲有。食完辣個人暖笠笠，非常滿足呀！