影片
更多
2019-07-02
282 瀏覽
今日放假，本來諗連住周末兼七一，自製一個悠長假期！ 人算不如天算， 到咗中午時分，忽然落咗一場大雨。 天氣不由人，自製好心情就由美食開始啦！ 早排見雜誌介紹過東涌地鐵站附近呢間酒吧， 再睇埋openrice啲口碑讚幾好， 就同埋阿媽過嚟食番個set lunch啦！呢間餐廳都幾大， 入口係開放式設計，客人可以揀坐室內或者室外， 無論點揀， 餐廳環境都令人感覺開揚輕鬆。😘我見到有啲人帶埋狗仔嚟，坐喺有蓋户外位， 想帶埋狗仔出嚟一齊食飯，咁又係一個辦法喎！🐕🐩🐶一入餐廳，右手面有一張長吧枱， 後面放咗 N咁多種酒， 講得出嘅都有。🍷🍻呢度唔會似有啲酒吧，淨係得高枱兼用深色傢俬， 色調黑沉沉。 相反佢用顏色亮麗嘅傢俬配襯裝修， 感覺明快特别， 我覺得啲色襯得幾靚吓！原來逢星期一至五都有做午市套餐，嘩，咁靚嘅環境，午餐都係88蚊起， 包咗前菜，主菜同埋飲品。🔸️前菜: 可以揀湯或者沙律， 每日都唔同， 有啲變化。🔸️主菜: 有三大類，分別係肉跟配菜，意粉類同埋薄餅類。 每個類別都有3至5款選擇。 如果每次都試唔同嘅菜式，午市套餐有成過百款組合， 咁又點會悶呢！🔸️ 餐飲: 可以揀茶、啡、檸檬茶、檸檬水
人算不如天算， 到咗中午時分，忽然落咗一場大雨。 天氣不由人，自製好心情就由美食開始啦！
早排見雜誌介紹過東涌地鐵站附近呢間酒吧， 再睇埋openrice啲口碑讚幾好， 就同埋阿媽過嚟食番個set lunch啦！
呢間餐廳都幾大， 入口係開放式設計，客人可以揀坐室內或者室外， 無論點揀， 餐廳環境都令人感覺開揚輕鬆。😘
我見到有啲人帶埋狗仔嚟，坐喺有蓋户外位， 想帶埋狗仔出嚟一齊食飯，咁又係一個辦法喎！🐕🐩🐶
一入餐廳，右手面有一張長吧枱， 後面放咗 N咁多種酒， 講得出嘅都有。🍷🍻
呢度唔會似有啲酒吧，淨係得高枱兼用深色傢俬， 色調黑沉沉。 相反佢用顏色亮麗嘅傢俬配襯裝修， 感覺明快特别， 我覺得啲色襯得幾靚吓！
原來逢星期一至五都有做午市套餐，嘩，咁靚嘅環境，午餐都係88蚊起， 包咗前菜，主菜同埋飲品。
🔸️前菜: 可以揀湯或者沙律， 每日都唔同， 有啲變化。
🔸️主菜: 有三大類，分別係肉跟配菜，意粉類同埋薄餅類。 每個類別都有3至5款選擇。
如果每次都試唔同嘅菜式，午市套餐有成過百款組合， 咁又點會悶呢！
🔸️ 餐飲: 可以揀茶、啡、檸檬茶、檸檬水同汽水。
我地各揀一款前菜， 因為湯同沙律大家都想試吓！
🔸️前菜1: house chicken salad 雞沙律
賣相好靚， 紅(紅椒，車厘茄) 黃(黃椒) 綠(青瓜，沙律菜) 白(雞肉， 乾麵包粒) 都有齊哂， 材料新鮮爽口， 淋埋酸酸甜甜嘅醋汁， 真係名副其實嘅開胃菜！
house chicken salad 雞沙律
26 瀏覽
0 讚好
0 留言
🔸️前菜2: french onion soup 法式洋蔥湯
洋蔥湯幾多功夫吓， 先要切碎啲洋蔥， 然後再用牛油炒軟，幾講耐性㗎！ 炒軟煲淋嘅洋蔥特別香甜， 冇哂生洋蔥嘅辛辣味。 我鍾意呢個湯有淡淡嘅酒香味，冇放芝士冇咁油膩。
法式洋蔥湯
17 瀏覽
0 讚好
0 留言
🔸️ 主菜1: pork chop with rice 豬扒配飯
豬扒好大塊，長過隻手掌！ 外殼煎得香脆， 肉質滑嫩唔嚡口。
伴碟用咗田園沙律， 用料同前菜1差唔多，只係冇加雞肉。 蔬菜唔怕多食， 高纖有營養！
阿媽係超級"飯桶"(哈哈，大胆！其實係無飯不歡咁解)！如果係我，就多數揀薯條做伴菜， 我見到隔離枱嘅 fat chips 厚切薯條，超吸引，流哂口水！
pork chop with rice 豬扒配飯
19 瀏覽
0 讚好
0 留言
🔸️ 主菜2 : linguine vongole 白酒蜆肉意粉
材料靚固然重要，都要睇埋廚師嘅技術， 能唔能夠將食材完全發揮。 蜆最忌煮得過火，會靭難咬難消化。
呢度選用意大利蜆肉，品質有一定保証，廚師握掌火喉了得，蜆肉唔會煮得過熟，意粉亦都 al dente 有口，加埋蒜蓉，辣椒同白酒，蜆肉意粉鮮而不膩！
linguine vongole
15 瀏覽
0 讚好
0 留言
🔸️餐飲 ☕:
即磨咖啡味道香濃，既無酸味亦唔苦澀。
咖啡
12 瀏覽
0 讚好
0 留言
今日食得太飽喇，冇辦法食埋甜品，真係好抵食㗎，加20蚊就可以有一件芝士蛋糕或者朱古力餅啦。😭
埋單經過 pizza corner, 見到廚師哥哥搓緊粉做薄餅底， 咁就真係夠新鮮啦，即叫即做， 然後放入旁邊嗰個大焗爐焗。下次嚟飲嘢，一定要叫個即做手工薄餅試吓！🤩 🍕
食完飯行出餐廳，又見陽光普照啦，世事冇絕對！！ 🌞🕶
張貼
