影片
更多
2018-11-01
186 瀏覽
< 工廠大廈區大排檔 >我鍾意食雞煲， 最近據聞屯門有一間雞煲都係大排檔咁， 平時如果你地鐵行過去嘅話就會有少少隔涉，工廠大廈區嘅話，下午嗰陣時候就要好好多人過嚟食飯， 咁啱我哋呢嗰個moment 6:30pm 啲人放工，冇乜人，結果就包咗成個場，問返原來啲人鍾意喺禮拜六日或者夜少少嘅時間過嚟同班朋友一齊食雞煲，就成個排檔都非常之熱鬧， 嗰度係街市嘅熟食市場一部份，所以其實都有好多人嚟幫襯< 醉雞煲 > 168hkd首先講講個雞煲湯底鮮雞煲湯底呢入面有杞子參鬚 仲有幾種唔同嘅 藥材， 響未食雞之前我首先試一試咗個湯嘅味道，咁咁哋有少少酒嘅香仲好清甜， 咁樣有個好處，就係唔使再特登點啲佐料，因為我都係食得比較清。< 雞煲正宗食法 >之前都有食過不同嘅雞煲，今次食雞煲呢本身D雞就係生嘅， 問番老闆，話最好嘅食法就係，當啲湯一滚嗰陣時候就放啲雞落去，然之後滾5分鐘左右就熄火，由得佢焗， 咁啲雞就會又滑又香。 照做就實冇死嘅， 的而且確做到老闆所講嘅嗰一個效果， 而且啲雞同埋嗰個湯嘅配搭就更加相輔相成。< 要咩有咩既雜錦拼盤 >特
我鍾意食雞煲， 最近據聞屯門有一間雞煲都係大排檔咁， 平時如果你地鐵行過去嘅話就會有少少隔涉，工廠大廈區嘅話，下午嗰陣時候就要好好多人過嚟食飯， 咁啱我哋呢嗰個moment 6:30pm 啲人放工，冇乜人，結果就包咗成個場，問返原來啲人鍾意喺禮拜六日或者夜少少嘅時間過嚟同班朋友一齊食雞煲，就成個排檔都非常之熱鬧， 嗰度係街市嘅熟食市場一部份，所以其實都有好多人嚟幫襯
< 醉雞煲 > 168hkd
首先講講個雞煲湯底鮮雞煲湯底呢入面有杞子參鬚 仲有幾種唔同嘅 藥材， 響未食雞之前我首先試一試咗個湯嘅味道，咁咁哋有少少酒嘅香仲好清甜， 咁樣有個好處，就係唔使再特登點啲佐料，因為我都係食得比較清。
< 雞煲正宗食法 >
之前都有食過不同嘅雞煲，今次食雞煲呢本身D雞就係生嘅， 問番老闆，話最好嘅食法就係，當啲湯一滚嗰陣時候就放啲雞落去，然之後滾5分鐘左右就熄火，由得佢焗， 咁啲雞就會又滑又香。 照做就實冇死嘅， 的而且確做到老闆所講嘅嗰一個效果， 而且啲雞同埋嗰個湯嘅配搭就更加相輔相成。
< 要咩有咩既雜錦拼盤 >
特別一讚嘅就係佢嗰一個拼盤， 計埋計埋有超過十種以上唔同嘅料可以食。 平時出去嗰啲 火鍋或者雞煲 ，可能你叫一個頂級嘅牛肉都已經九十幾蚊仲要得幾塊仔， 攝牙罅都唔夠， 呢度就有好多其他嘅料慢慢食，食到到個肚飽一飽。
< 雜錦拼盤2~3人份量 ，重料> 168 hkd
點一點先，首先有發水魷魚，肥牛，魷魚，生豪，豬頸肉，雞腸，豬腸，雞蛋， 牛柏葉，生菜，金菇，粉皮，竹笙，豆卜，粟米， 午餐肉，蟹柳 。 啲料多到我感動到想喊， 又新鮮好味。 特別一提嘅係佢嗰個牛肉，佢個牛肉唔係普通嘅肥牛，以係一啲好高級嘅雪花牛肉， 你一放落口就知道，佢同普通又韌又薄 又會散開 嘅肥牛完全唔一樣， 但我就係冇再深究啦，因為我喺度享受緊咁多種唔同味道嘅配搭。
< 家喵 >
喺我哋食之前同食食下有隻貓貓行咗出嚟然之後係咁叫，感覺充滿霸氣。
< 齊齊做香港人 >
好多香港人都鍾意去食大排檔，大排檔嘅份量多，又係地道嘅香港特色， 之後我都會去多啲呢一類嘅餐廳食支持下。
張貼
