影片
更多
2019-11-10
1210 瀏覽
天氣凍了，去打邊爐啦！見到商場開咗呢間新嘅日式火鍋，勁多人等緊位，我見又跟風試下。放題套餐就睇返你想食咩級數嘅肉去揀，普通蔬菜麵食類就任fill唔嬲，仲有haagen daz雪糕任食！！一人一鍋：蕃茄芝士鍋／美肌鍋我個美肌鍋原來係雞湯，有舊雞肉😂另一個湯本身就好濃咁，可以再夾啲番茄落去煲。日本產黑毛和牛北海道夢之大地豚一埋位就有個鍋滾住先，然後上咗牛同豬各兩碟畀我地，我地個餐$309原來有啤酒任飲，即刻覺得抵咗！啤酒記得要同店員落order出面嘅食物飲品就好似放題咁排晒出黎，仲排得幾乾淨，keep住有人整理同fill野食～除咗一般嘅罐裝飲品之外，仲有自己裝嘅雪梨茶、蘋果茶、detox water! 水果茶唔會太過死甜，飲落有少少清新嘅感覺，好飲過罐裝野～豬同牛都好薄片，但又唔會滾完縮到唔見咗，肉質好好，我就比較鍾意食個豬肉，肉味好濃，好好食！有好幾款丸類，我狂食貢丸同魚豆腐。最後點都要食埋雪糕收尾！咖啡、藍莓、白桃食勻晒，都幾多隻味可以揀，實有一款啱食。晚市放題凈食牛肉最平只是$179 都算食得過！我反而對入面啲任食蔬菜有興趣啲，如果lunch定食仲平 $79咋！食肉量唔多又可以任食蔬
放題套餐就睇返你想食咩級數嘅肉去揀，普通蔬菜麵食類就任fill唔嬲，仲有haagen daz雪糕任食！！
一人一鍋：蕃茄芝士鍋／美肌鍋
我個美肌鍋原來係雞湯，有舊雞肉😂另一個湯本身就好濃咁，可以再夾啲番茄落去煲。
日本產黑毛和牛
北海道夢之大地豚
一埋位就有個鍋滾住先，然後上咗牛同豬各兩碟畀我地，我地個餐$309原來有啤酒任飲，即刻覺得抵咗！啤酒記得要同店員落order
出面嘅食物飲品就好似放題咁排晒出黎，仲排得幾乾淨，keep住有人整理同fill野食～
除咗一般嘅罐裝飲品之外，仲有自己裝嘅雪梨茶、蘋果茶、detox water! 水果茶唔會太過死甜，飲落有少少清新嘅感覺，好飲過罐裝野～
豬同牛都好薄片，但又唔會滾完縮到唔見咗，肉質好好，我就比較鍾意食個豬肉，肉味好濃，好好食！
有好幾款丸類，我狂食貢丸同魚豆腐。
最後點都要食埋雪糕收尾！咖啡、藍莓、白桃食勻晒，都幾多隻味可以揀，實有一款啱食。
晚市放題凈食牛肉最平只是$179 都算食得過！我反而對入面啲任食蔬菜有興趣啲，如果lunch定食仲平 $79咋！食肉量唔多又可以任食蔬菜，呢個質素絕對係抵～
張貼
