8點幾等咗10mins就有得入啦，店主自己畫嘅墻身都唔錯！環境都幾乾淨
嚟了喂，自選落單，有刺身+豬牛羊各款任揀，飲品任飲！食放題就要開戰鬥模式！5個人一下就落咗10幾樣！店主會放層牛油紙疊住燒，話冇咁易燶同埋健康D
牛肉都係事先醃製好，燒到8,9成熟黎食最啱，肉質鮮嫩多汁！少少甜，加埋自製燒汁，冇得頂！
豬肉就有醃過同冇醃，點咗醃製五花腩同豬頸肉，豬肉就要燒熟D，唔係就會太韌，兩款都值得推薦！
一口香腸都有兩隻味，黑椒同原味，味道ok，黑椒少少辣唔錯
芝士魚腐好好味，燒到層皮脆脆地就可以食
最推薦都係呢個玉子燒，好甜又厚身！但係有D難燒，外面容易燶
+40 upgrade體驗先係全晚最抵玩，有新鮮虎蝦，大隻帶子，仲有成吋厚嘅羊扒任食，咁都回曬本啦！
帶子只要燒一陣就食得，肉質好彈牙，唔會腥，怕腥都可以點燒汁食
厚切三文魚，好嫩口，新鮮！
食飽都要扶墻出！味道唔錯！
