天機棧扒房 (已結業)

今晚同好友去旺角買化妝品， 之後佢話想食扒，所以黎到天機棧扒房～我地每人揀左個$188 既餐~ 超抵食，好多野揀。我地先一人一杯餐飲，有熱檸水同凍咖啡～之後我要左海鹽脆香軟殼蟹，佢有成隻軟殼蟹，食落熱辣辣又唔會油膩，NICE!朋友叫左個田螺焗薯蓉，薯蓉口感幼滑，配上田螺，搭得幾好！另外仲叫左個法國鵝肝多士，超大隻，食落好有罪疚感，太正！然後就到龍蝦海鮮濃湯，湯質幾濃稠，但口感幼滑，唔會好飽！MAIN 叫左玫瑰岩鹽燒石班魚柳配原隻南瓜芝士意大利飯 (限量供應), 賣相係吸引~燒石班魚柳皮脆肉唔會話乾身, 無骨，食落啖啖，唔錯，而RISOTTO 又唔會話太CREAMY！另一個MAIN 要左個炭燒西班牙黑毛豬肉眼扒配蘋果茸, 同樣賣相冇得輸~食落軟矓，配埋香甜蘋果茸呢個配搭，正！最後仲有２個甜品，心太軟外脆內軟，而紅豆布甸好滑溜。