天機棧扒房 (已結業)

今日我死黨生日，於是我就約佢一齊食晚飯，今日我哋嚟到呢間 近花園街嘅樓上舖餐廳，佢嘅水準價錢各樣都不俗，我哋點了兩個套餐，一款香煎法國鵝肝煎得芳香無比，質感軟滑。生蠔海鮮拼盤（太平洋生蠔×1 大蝦×3 ,松葉蟹棒×3 ) King size嘅生蠔非常鮮甜，肥大肉厚。鮮蝦肉質爽口彈牙，汁液豐富。蟹棒非常鮮甜啖啖肉。巴黎汁田螺焗薯蓉，螺肉稍為小巧咗啲，味道不過不失。薯蓉就比較出色，軟綿綿非常蜜味。經典凱撒沙律食材非常新鮮，沙律菜清爽怡人。一個龍蝦海鮮濃湯，份量雖然不多，但味道調製得不俗。炭燒美國西冷扒8oz，份量足夠，要求煮製成數都做得滿意，但味道稍為遜色。玫瑰岩鹽燒石斑魚柳配原隻南瓜芝士意大利飯，焗製非常惹味，一顆顆飯粒圓潤飽滿，煙煙韌韌，配上濃香芝士，更具特色，唯有石斑魚柳味道一般。朱古力心太軟，呢款甜品製作不錯，不會太甜，口感都軟綿綿，朱古力味香濃，唯欠心不太軟。法式焦糖燉蛋，面層焦糖香脆蜜甜，燉蛋夠濃香嫩滑，甜味適中。