方姐湛江雞 (已結業)

天氣轉涼了 梗係要食過暖笠笠嘅羊腩煲 今日同朋友兩個人嚟到方姐湛江雞呢度 呢間嘢開咗好耐 但係一直冇機會食 原來佢唔單止雞 仲有其他小菜 兩個人叫咗一個細嘅羊腩煲 跟餐有一個白飯同油菜 羊腩煲係原個鍋上 底下再放gas爐 邊食邊滾 好有風味 湯底較為濃味 而且入面啲料都好多 羊腩 馬蹄 筍 腐竹 同其他調味料等等 基本上成個煲都逼爆曬 要轉身都好困難 超級足料 主角羊腩炆得好林 而且有少少蘇味 加上羊腩皮嘅煙un 在點上去附送嘅腐乳醬 超級好食 同埋食兩嚿已經暖到除曬啲外套 超級暖粒粒 馬蹄 好爽口同埋惹味 仲有我超級鍾意嘅腐足索曬個湯底味 簡直係成個煲嘅精華所在 食得差唔多就可以落埋菜 同樣加埋個湯底一齊食 超級邪惡 原來呢間餐廳有賣臘味糯米飯 就叫咗一個嚟食 臘味好多 肥瘦適中 而且糯米飯好煙韌又唔會話太過肥膩 夾埋一齊食好食 出色