影片
更多
2019-09-01
760 瀏覽
雖然天文台掛左一號風球，但天氣仍然唔錯，天朗氣清，所以決定趁週日同老公去維園逛逛，然後再去天后覓食。由於大家都無 idea 想食乜，提議去附近橫街找找，喺永興街見到有間叫「壹•燒鵝」的食肆，餐廳門面光猛，櫥窗內掛滿了燒鵝和各式燒味。燒鵝和油雞，賣相非常吸引，隻隻外形都脹卜卜，肥美又有光澤，反正還沒想到吃甚麼，就一於入內試試。 店內地方不大，不過入座後發現原來餐廳佔地兩層，另設有樓上雅座，而這天我倆就被安排坐在地面一層。餐廳裝潢走小清新風格，以木系為主，配上一室湖水綠椅子，色調柔和，視覺上非常舒服。店主很有心思，牆上掛了一些趣緻的燒鵝裝飾，適合大家用來影相呃 Like。由於這天是假日，加上剛過了午市繁忙時間，店員話廚房師傅已經落左場，所以午市只有堂食燒味及飲品類等供應。餐廳設有 QR Code 自助點餐系統，客人可以透過手機數碼點餐平台自助落單。聽店員講，店裡的燒味全部都是餐廳內自家燒製，所以水準有一定保證。我哋揀左原隻燒鵝髀飯 ($88) 同燒腩仔拼玫瑰豉油雞瀨粉 ($41)，另外再配左香滑凍奶茶 (+$6) 及凍檸茶 (+$6)。原隻燒鵝髀飯 ($88)，鵝髀大大隻，上桌時已經斬件，
雖然天文台掛左一號風球，但天氣仍然唔錯，天朗氣清，所以決定趁週日同老公去維園逛逛，然後再去天后覓食。由於大家都無 idea 想食乜，提議去附近橫街找找，喺永興街見到有間叫「壹•燒鵝」的食肆，餐廳門面光猛，櫥窗內掛滿了燒鵝和各式燒味。燒鵝和油雞，賣相非常吸引，隻隻外形都脹卜卜，肥美又有光澤，反正還沒想到吃甚麼，就一於入內試試。 
店內地方不大，不過入座後發現原來餐廳佔地兩層，另設有樓上雅座，而這天我倆就被安排坐在地面一層。餐廳裝潢走小清新風格，以木系為主，配上一室湖水綠椅子，色調柔和，視覺上非常舒服。店主很有心思，牆上掛了一些趣緻的燒鵝裝飾，適合大家用來影相呃 Like。
由於這天是假日，加上剛過了午市繁忙時間，店員話廚房師傅已經落左場，所以午市只有堂食燒味及飲品類等供應。餐廳設有 QR Code 自助點餐系統，客人可以透過手機數碼點餐平台自助落單。
聽店員講，店裡的燒味全部都是餐廳內自家燒製，所以水準有一定保證。我哋揀左原隻燒鵝髀飯 ($88) 同燒腩仔拼玫瑰豉油雞瀨粉 ($41)，另外再配左香滑凍奶茶 (+$6) 及凍檸茶 (+$6)。
原隻燒鵝髀飯 ($88)，鵝髀大大隻，上桌時已經斬件，方便客人享用。鵝皮非常香脆，肥瘦均稱，入口啖啖油香。鵝髀肉亦很有水準，醃得入味，肉質嫩滑，入口沒有鵝膻味，肉汁豐富，而且最正就係價錢夠大眾化， $88 就已經有全髀配飯，平足某些名店一半有多，十分抵食。
至於燒腩仔拼玫瑰豉油雞瀨粉 ($41) 食味亦不俗，豉油雞熟度剛好，肉質嫩滑，甚至連雞皮的油脂都特別甘香，入口滑嘟嘟又惹味。燒腩仔亦恰如其份，件件都切得大小均一，皮也燒得甚脆，咬下卜卜有聲，加上脂肪及瘦肉層層相間，食落既有肉汁又有豬肉的肉香，完全無渣，質素不錯。
聽店員講，餐廳晚市有小菜供應，有機會會嚟試下。
張貼
