影片
更多
2022-11-07
230 瀏覽
今晚約左媽媽慶祝生日，近排成日睇深夜食堂，搵左好耐終於搵到呢間「黑木亭」，係嚮往好耐既居酒屋Style。同媽媽去到，訂左兩位，鋪頭安排左個舒服既單邊位比我地，坐埋我地岩岩好全店滿座，店內唔會太嘈，播放住日文歌，氣氛唔錯。頭盤我地試左夏之芒蟹子沙律，我個人唔係好中意食芒果，好怕酸，但係媽媽中意，所以試試。好彩係甜到不得了，配上粒粒蟹子+青瓜+蟹柳，好清爽開胃。主菜首先黎既係一口和牛三文治，我覺得佢呢個三文治改錯名，因為烘到塊包好脆，係咪應該叫多士？4款三文治各自配上獨特醬汁，有黑松露，芥末，明太子醬等等，和牛肉質嫩滑，媽媽話好食。主菜No.2 係帶子海膽青瓜卷，呢個我自己覺得好好食，帶子同海膽味道好夾，然後用反卷形式包住青瓜+玉子+蟹柳，中和翻海膽既甜味。主菜No. 3 係日本啤酒拉麵。呢個拉麵如果無食到就真係走寶了。佢無酒精既，啤酒係冷麵汁扮既，面頭陣啤酒泡係鹹忌廉，而啲冷麵…就真係冷麵。配菜仲有埋Wasabi+紫菜+蘿蔔絲+溏心蛋，好正！本身純粹覺得搞笑而叫，但係最好食係呢個，好有新意，鹹忌廉配冷麵超級好食，大家真係要試下。飲品我同媽媽叫左好得意既芒果烏龍茶同埋士多啤梨乳酸。個烏龍茶
同媽媽去到，訂左兩位，鋪頭安排左個舒服既單邊位比我地，坐埋我地岩岩好全店滿座，店內唔會太嘈，播放住日文歌，氣氛唔錯。
頭盤我地試左夏之芒蟹子沙律，我個人唔係好中意食芒果，好怕酸，但係媽媽中意，所以試試。好彩係甜到不得了，配上粒粒蟹子+青瓜+蟹柳，好清爽開胃。
主菜首先黎既係一口和牛三文治，我覺得佢呢個三文治改錯名，因為烘到塊包好脆，係咪應該叫多士？4款三文治各自配上獨特醬汁，有黑松露，芥末，明太子醬等等，和牛肉質嫩滑，媽媽話好食。
主菜No.2 係帶子海膽青瓜卷，呢個我自己覺得好好食，帶子同海膽味道好夾，然後用反卷形式包住青瓜+玉子+蟹柳，中和翻海膽既甜味。
主菜No. 3 係日本啤酒拉麵。呢個拉麵如果無食到就真係走寶了。佢無酒精既，啤酒係冷麵汁扮既，面頭陣啤酒泡係鹹忌廉，而啲冷麵…就真係冷麵。配菜仲有埋Wasabi+紫菜+蘿蔔絲+溏心蛋，好正！
本身純粹覺得搞笑而叫，但係最好食係呢個，好有新意，鹹忌廉配冷麵超級好食，大家真係要試下。
飲品我同媽媽叫左好得意既芒果烏龍茶同埋士多啤梨乳酸。
個烏龍茶好香同埋有隻冰熊仔好Cute，打卡一流。而士多啤梨乳酸個口感好柔順，食完個冷麵飲翻啖好解膩。
整體黎講，係Wonderful night，下次去天后又再食過！
張貼
