影片
更多
2020-11-20
3973 瀏覽
香港旅發局推出半價餐飲券, 我們幸運地都搶到大喜屋的半價餐飲券,為了不用食到趕頭趕命, 今次選擇了尖沙咀的極尚大喜屋中午三小時放題.12時10分到店, 當時連我們一枱在內只有4枱客, 全部是卡位, 中間座位冇人.由於不用趕時間, 今次叫咗平時唔會叫的沙律, 都幾開胃.大喜屋的日式放題已有幾年冇食過, 食物質數可以分為以下幾級.(一) 驚喜之選(a) 羊架我們很少食羊, 但為了要回本都叫咗一人一件羊架,估唔到呢兩件羊架燒得十分出色, 肉嫩而羊騷味不重,但為了去除那輕微的騷味, 我們用其他食品附上的檸檬揸汁加上去,當堂變得更好食!(b) 風味淋燒魚干真係出奇咁好食, 我們不是用來送酒都前後叫咗3碟來食.食落居然有食魷魚干的質感.(c) 中拖羅壽司及浦燒鰻魚串因為係開飯網見到有食客話中拖羅壽司的拖羅好似紙咁薄(係真嘅),所以佢將2塊中拖羅壽司的魚放在一舊壽司飯上, 再用赤貝魚生加上剩番的壽司飯來自製赤貝壽司.真係好主意, 我就一次過將4塊中拖羅合而為一,剩番的3舊壽司飯就用浦燒鰻魚串來自製鰻魚壽司, 正好中和咗浦燒鰻魚的肥膩,咁就又唔嘥嘢, 又食到口感好好食的中拖羅壽司及鰻魚壽司!(二) 普
為了不用食到趕頭趕命, 今次選擇了尖沙咀的極尚大喜屋中午三小時放題.
12時10分到店, 當時連我們一枱在內只有4枱客, 全部是卡位, 中間座位冇人.
由於不用趕時間, 今次叫咗平時唔會叫的沙律, 都幾開胃.
大喜屋的日式放題已有幾年冇食過, 食物質數可以分為以下幾級.
(一) 驚喜之選
(a) 羊架
我們很少食羊, 但為了要回本都叫咗一人一件羊架,估唔到呢兩件羊架燒得十分出色, 肉嫩而羊騷味不重,
但為了去除那輕微的騷味, 我們用其他食品附上的檸檬揸汁加上去,
當堂變得更好食!
(b) 風味淋燒魚干
真係出奇咁好食, 我們不是用來送酒都前後叫咗3碟來食.食落居然有食魷魚干的質感.
(c) 中拖羅壽司及浦燒鰻魚串
因為係開飯網見到有食客話中拖羅壽司的拖羅好似紙咁薄(係真嘅),
所以佢將2塊中拖羅壽司的魚放在一舊壽司飯上,
再用赤貝魚生加上剩番的壽司飯來自製赤貝壽司.
真係好主意, 我就一次過將4塊中拖羅合而為一,
剩番的3舊壽司飯就用浦燒鰻魚串來自製鰻魚壽司, 正好中和咗浦燒鰻魚的肥膩,
咁就又唔嘥嘢, 又食到口感好好食的中拖羅壽司及鰻魚壽司!
(二) 普通好食
(a) 海膽軍艦, 海膽係俾足嘅, 但係味道一般啦
(b)芝麻雞翼及吉列蠔, 炸得唔錯, 無過火
(c) 花膠雞煲及極品蝦蟹粥, 粥很熱(最讚!), 有中蝦1隻和細細隻的三點蟹件在內,
蟹太細冇肉食, 一咬得成口売, 但味道係ok. 至於花膠雞煲, 竟然係啲素翅配上雞湯幾好食.
(三)難食
魚生拼盤, 排得幾靚仔, 但係帶子係粒, 赤貝好細片,
而蟹腳除咗一條粗身(仲要分做3段), 其他又幼又冇肉,
我叫咗8件, 實際來了兩條腳啩, 雖然理論上係可以重覆叫,
但魚生質素麻麻, 食落有淡淡腥味, 都係一盤就夠.
題外話:
食物大都來齊, 除了西京燒比目魚, 第1次叫咗2份冇來,
驚漏單, 後來再補叫1份, 到食雪糕和雪條時都諗住冇啦,
點知就突然送上枱, 真係唔知算係驚喜定係驚嚇!
題外話/補充資料：
今次連加一, 除了買半價劵的125元, 另外每人只需多俾$22.5, 真係抵食, 食得悠閒,
其中一名高瘦的年青男職員服務態度很好(就是上面第3幅相中見到的男職員),
不過若要用原價來食大喜屋放題, 其實現在有很多3, 4星酒店的自助餐都可用差不多價錢食到,
質素仲會好啲.
仲有食到1:30時突然有好多食客衝入來, 即時全店滿座, 我估梗係有好抵食嘅定食餐吧?!
(以上食評乃用戶個人意見 , 並不代表OpenRice之觀點。)
張貼
