影片
更多
2007-12-12
15 瀏覽
** 此食肆的第八個OK**今日(12-12-2007 Wed)請假同爸媽去香港歷史博物館行吓,我又乘機帶佢o地試韓國菜,想佢o地食人參雞湯.云云眾多o既韓式食肆,就揀呢間吧.約12:45pm,o係呢座大廈o既做o野o既人都放食lunch喇,不過可能呢o度真係有好多食肆,o黎到時客人唔多,女侍應畀o左窗口o既卡位我o地坐,對住公園真係正.爸特別喜愛炒粉麵飯類,可惜韓餐係冇o既,佢就點烤特級牛肋骨飯.我就叫$80.00o既人參雞湯,烤什錦(有齊雞,牛同豬),燒秋刀魚.Order完,侍應畀o左六小碟我o地,有大豆芽菜,豆角,泡菜,鹹魚仔,唔知咩菜同肉.媽第一次食泡菜,我提醒佢辣的,佢試o左話好食,成碟被佢清晒,我覺得呢個酸酸o地,當然人參粉落得唔多.除o左大豆芽菜同豆角外,其餘都被爸清o左.先到o黎o既係烤什錦,落單時,男侍應話用鐵板上,我答應,但其實我做咩會答應?我o地又唔係趕時間,而且爸媽又未試過韓燒,失策添.烤什錦跟白飯同湯各一碗,開頭我以為係海帶湯,但原來唔係,係咸菜湯.我試吓啲烤肉先,啲汁好香,幾惹味o既,而牛幾好味,但我好似食唔到雞肉,豬肉都OK,呢個唔漏.然後到人參雞湯,用石
今日(12-12-2007 Wed)請假同爸媽去香港歷史博物館行吓,我又乘機帶佢o地試韓國菜,想佢o地食人參雞湯.云云眾多o既韓式食肆,就揀呢間吧.
約12:45pm,o係呢座大廈o既做o野o既人都放食lunch喇,不過可能呢o度真係有好多食肆,o黎到時客人唔多,女侍應畀o左窗口o既卡位我o地坐,對住公園真係正.
爸特別喜愛炒粉麵飯類,可惜韓餐係冇o既,佢就點烤特級牛肋骨飯.我就叫$80.00o既人參雞湯,烤什錦(有齊雞,牛同豬),燒秋刀魚.
Order完,侍應畀o左六小碟我o地,有大豆芽菜,豆角,泡菜,鹹魚仔,唔知咩菜同肉.媽第一次食泡菜,我提醒佢辣的,佢試o左話好食,成碟被佢清晒,我覺得呢個酸酸o地,當然人參粉落得唔多.除o左大豆芽菜同豆角外,其餘都被爸清o左.
先到o黎o既係烤什錦,落單時,男侍應話用鐵板上,我答應,但其實我做咩會答應?我o地又唔係趕時間,而且爸媽又未試過韓燒,失策添.烤什錦跟白飯同湯各一碗,開頭我以為係海帶湯,但原來唔係,係咸菜湯.我試吓啲烤肉先,啲汁好香,幾惹味o既,而牛幾好味,但我好似食唔到雞肉,豬肉都OK,呢個唔漏.
然後到人參雞湯,用石頭窩上,上枱時仍然係好滾,滾到仍有氣泡,湯料係有齊糯米,紅棗,少量人參,雞有一隻,湯係清清o既,味唔濃,而雞肉好滑,爸就食晒成隻.
烤特級牛肋骨飯,好大碟,又跟o左湯,我覺得牛肋骨唔掂,又乾又’鞋’又凍,而連骨o個部份韌到咬唔開;伴碟o既有薯仔,薯仔夠腍,幾好食,而啲汁唔太濃.
最後燒秋刀魚都o黎埋,有兩條之多,亦有湯同飯跟,秋刀魚OK啦,媽亦係第一次試秋刀魚,自稱唔鍾意食魚o既佢,初頭逐少逐少咁夾o黎食,我o地食完一條之後,佢藉住唔方便夾,竟然攞o左另一條o既下半截o係自己個碟o度食.@.@”
最後,媽盛讚比較圓潤,豐滿啲o既韓國米煙韌,有咬口,爸都同意;不過我覺得冇乜飯香.
環境:
大大張o係窗邊o既卡位,坐得咁舒服,重可以有咩挑剔呢?
衛生:
開頭OK o架,不過尾段有隻小昆蟲飛o黎,唔知係咪見我o地食唔晒,佢幫我o地食唔好o徒呢?
服務:
我諗係中下吧,2.5分啦.開頭會主動斟茶,但之後就冇,要叫.
而且當人參雞湯到o黎時,叫佢畀三隻碗我o地,佢好似唔想畀咁,奇怪.
張貼
