蟹季一到即刻衝去食大閘蟹放題！Book咗九點都仲人頭湧湧，人氣旺盛到爆🔥
75分鐘任食大閘蟹，好均真，上第一隻蟹先開始計時！慢慢拆蟹、影相、飲酒都夠晒時間，唔駛趕🕒
🦀 大閘蟹
隻隻都肥到爆膏，一開蟹蓋就見橙紅色好吸引！
蟹膏厚身又香，肉都幾結實～
兩個人拆到手軟，最後食咗16隻，食到回晒本🦀
🍲 生滾蟹粥
熱辣辣上枱，成碗蟹香，粥底夠滑，蟹味滲晒入去，好暖心～
🍘 生炒糯米飯
飯粒粒粒分明，蟹膏同臘味一齊炒好夾，唔會太油，而且仲夠飽肚～
🥟 蟹粉水餃
皮薄餡多，咬落多汁，蟹粉香味重，呢個味道都唔錯～
🥦 蟹粉扒時蔬
食完蟹再嚟啲菜中和返，蟹粉味淡淡地，入口都幾清爽～
🍶 古越龍山花雕
加少少錢可以任飲，食住蟹飲真係啱晒，酒香醇厚又暖胃，仲可以驅寒添～
呢到嘅服務員又勤力又有禮貌，蟹殼堆起即刻收，加蟹加酒加粥都好快，態度超好，服務滿分👍
