影片
更多
2008-10-21
41 瀏覽
作為蟹痴, 一到大閘蟹出爐嘅季節就好興奮, 心裡面盤算住今年要去邊度食蟹. 今年第一擊就試下同事介紹嘅鷺鷺. 同事係上海人, 佢話呢度嘅上海菜做得好出色, 最好係價錢合理. 好啦, 就去試下睇過係咪咁得先. 七點半黎度, 因為book枱果陣已經講左係食大閘蟹, 所以個waiter 好醒目咁俾左大閘蟹餐個menu我揀自己嘅心水菜餚. 其實大閘蟹餐有兩款, 兩個都係 398, 分別只係個翅同埋可以揀嘅餸有d 分別, 我地一心黎食大閘蟹, 就梗係揀個蟹粉翅啦. 當然重點係果隻六兩重嘅大閘蟹啦. 另外個套餐就分別選擇左素雞, 爽三樣, 清炒菠菜, 燻小黃魚, 蘿蔔絲酥餅同我最喜歡嘅小籠包. 個餐前小吃係花生同辣泡菜, 唔係我杯茶, 食左小小已經收手. 先上素雞同爽三樣, 素雞味道一般, 唔見得特別, 爽三樣反而幾好, 簡單得黎又食到食物嘅真味. 其中又以海蜇最好味, 又爽又脆. 青瓜同粉皮都唔錯. 蟹粉翅係好期待嘅菜式, 不過可能係希望越大失望越大, 翅份量好夠, 可惜最大嘅敗筆係落左大量嘅薑, 薑雖則可以減輕蟹粉嘅腥味, 不過就連應有嘅鮮味都無晒. 好失望. 六兩重嘅大閘蟹不過不失, 蟹唔係
七點半黎度, 因為book枱果陣已經講左係食大閘蟹, 所以個waiter 好醒目咁俾左大閘蟹餐個menu我揀自己嘅心水菜餚. 其實大閘蟹餐有兩款, 兩個都係 398, 分別只係個翅同埋可以揀嘅餸有d 分別, 我地一心黎食大閘蟹, 就梗係揀個蟹粉翅啦. 當然重點係果隻六兩重嘅大閘蟹啦. 另外個套餐就分別選擇左素雞, 爽三樣, 清炒菠菜, 燻小黃魚, 蘿蔔絲酥餅同我最喜歡嘅小籠包.
個餐前小吃係花生同辣泡菜, 唔係我杯茶, 食左小小已經收手. 先上素雞同爽三樣, 素雞味道一般, 唔見得特別, 爽三樣反而幾好, 簡單得黎又食到食物嘅真味. 其中又以海蜇最好味, 又爽又脆. 青瓜同粉皮都唔錯.
蟹粉翅係好期待嘅菜式, 不過可能係希望越大失望越大, 翅份量好夠, 可惜最大嘅敗筆係落左大量嘅薑, 薑雖則可以減輕蟹粉嘅腥味, 不過就連應有嘅鮮味都無晒. 好失望. 六兩重嘅大閘蟹不過不失, 蟹唔係太多膏, 不過d肉就真係好鮮甜.
清炒菠菜好特別, 係成棵菠菜咁炒, 油嘅份量唔多, 幾啱鍾意清淡嘅我. 燻小黃魚係今晚最驚喜嘅一味餸, 個小黃魚真係做到外脆內嫩, 鮮味十足嘅地步. 哈哈, 對於嗜魚如貓嘅我黎講, 嘩, 成餐飯抵晒.
蘿蔔絲酥餅同小籠包最後上, 可以已經飽左九成, 小籠包一口食完, 湯頭幾甜, 皮又幾薄, 唔錯. 不過個蘿蔔絲酥餅食左一半已經無食, 因為實在太飽. 送嘅綠豆沙都叫佢唔好上啦, 免得浪費.
service 真係幾好, 佢地好多熟客, 不過對我地呢d 生客都好好服務.
張貼