影片
更多
2019-10-22
1805 瀏覽
上海小南國(megabox)大閘蟹季又到啦，今年唸左好耐，吾知食邊間好，上網見到佢嘅menu, 雖然只得一隻蟹，但佢個set嘅其他菜好吸引，所以決定去呢度食🥰Book 左7點，我地6:45已經到左，時間仲算早，吾係好多人，侍應比我揀位😁 入到去，裝修都算幾瑰麗堂皇，地方好闊落。 其實今次係衝住大閘蟹而來，所以「雲雲」餐牌中，只挑選左大閘蟹套餐果張出來，二選一，我地㨂左set B, 因為我地真係好鐘意食海鮮🙈前菜方面我地揀左花雕醉雞（感覺食上海菜必叫）同埋糖醋小排。花雕醉雞：酒味好香，好入味，不過唔夠滑。糖醋小排：肉炆到好林，好入味，可能因為都都幾甜，所以做前菜淺嘗係唔錯既選擇。獅子開大口：其實係用蒸包夾住一大舊五花肉同一d酸菜，好邪惡，一啖咬落去，啖啖油香，忟到超林，連瘦嗰d部分都勁好咬，猪皮林得來仲有小小咬口，感覺食緊骨膠原，食呢個菜嘅時間真係吾會記得肥字點寫🤪 大閘蟹：手掌咁大，色水好靚，啱啱蒸起，所以熱辣辣。打開個蓋，好多膏，好鐘意佢夠漿咀😍，啖啖膏嘅感覺好療癒😆蝦球生拆蟹粉蒸雪嶺：類似蒸蛋白，隻蝦好新鮮，幾爽，個汁幾鮮味，個個蛋略為有d失色，或者吾啱我口味，口感同蒸蛋吾同，佢實
大閘蟹季又到啦，今年唸左好耐，吾知食邊間好，上網見到佢嘅menu, 雖然只得一隻蟹，但佢個set嘅其他菜好吸引，所以決定去呢度食🥰
Book 左7點，我地6:45已經到左，時間仲算早，吾係好多人，侍應比我揀位😁
入到去，裝修都算幾瑰麗堂皇，地方好闊落。
其實今次係衝住大閘蟹而來，所以「雲雲」餐牌中，只挑選左大閘蟹套餐果張出來，二選一，我地㨂左set B, 因為我地真係好鐘意食海鮮🙈
112 瀏覽
0 讚好
0 留言
前菜方面我地揀左花雕醉雞（感覺食上海菜必叫）同埋糖醋小排。
花雕醉雞：酒味好香，好入味，不過唔夠滑。
糖醋小排：肉炆到好林，好入味，可能因為都都幾甜，所以做前菜淺嘗係唔錯既選擇。
88 瀏覽
0 讚好
0 留言
獅子開大口：其實係用蒸包夾住一大舊五花肉同一d酸菜，好邪惡，一啖咬落去，啖啖油香，忟到超林，連瘦嗰d部分都勁好咬，猪皮林得來仲有小小咬口，感覺食緊骨膠原，食呢個菜嘅時間真係吾會記得肥字點寫🤪
60 瀏覽
0 讚好
0 留言
57 瀏覽
0 讚好
0 留言
大閘蟹：手掌咁大，色水好靚，啱啱蒸起，所以熱辣辣。打開個蓋，好多膏，好鐘意佢夠漿咀😍，啖啖膏嘅感覺好療癒😆
38 瀏覽
0 讚好
0 留言
蝦球生拆蟹粉蒸雪嶺：類似蒸蛋白，隻蝦好新鮮，幾爽，個汁幾鮮味，個個蛋略為有d失色，或者吾啱我口味，口感同蒸蛋吾同，佢實的的，如果冇點汁，係冇乜味。
37 瀏覽
0 讚好
0 留言
蟹粉小龍包： 皮都算薄，而且好多湯，猪肉好Juicy。
30 瀏覽
0 讚好
0 留言
蝦兵蟹將羹：顧名思義，佢係用蝦肉同蟹肉製成嘅湯羹，解味十足，仲有一粒粒嘅蟹膏，一食落口已經覺得好足料。
41 瀏覽
0 讚好
0 留言
蟹粉扒露荀：就咁睇餐牌，呢道菜吾係好特別，但佢竟然係我成晚最意外同最鐘意嘅一道菜。好驚喜，首先佢d汁絕對吾係普通，你只要隨便食一啖，口腔充滿蟹鮮味，同樣有蟹肉同膏，令口感多左個層次。再試下露荀，好嫩又冇渣，煮到啱啱好，夠爽。兩樣嘢加埋一齊係超夾。成個餸又吾「漏」，又吾邪惡，仲有人幫你拆埋蟹肉。好讚👍👍
32 瀏覽
0 讚好
0 留言
食左咁多蟹，緊係要食返個薑茶湯圓驅一驅寒啦！
埋單每位大約每位$500，有d貴，不過係幾好食既。
張貼
