Goobne Chicken (AIRSIDE)

入座時，職員已愛理不理既態度，俾code落單但原來有部分menu無得經code落單亦無預早講一聲，係手機搵左好耐都無，以為自己無睇清楚。問講廣東話既職員先知，最後落左2個tea set再額外order每人2件雞（仲有選埋咩醬汁）。飯差唔多食完，追問一位職員雞件幾時有，職員仲不耐煩表示雞係要焗，要等耐d架！那我地都表示明白，只好再等。我地再等左30分鐘，再追問另一個職員，該同事先話所有order已出晒，先print張單話無wor! 我地先知原來佢地根本無幫我地入機落單，最後同我講要等多30分鐘。樓面職員都有幾個，客人又唔係多，都可以差成咁，落單+追問係分別3個職員，都無一個用心了解一下，超失望，一心嚟呢度係諗住食雞，最後一肚氣。呢間連鎖餐廳再也唔會幫襯。