影片
更多
2017-08-08
2218 瀏覽
先講明, 係有人介紹, 會有特別照顧, 但我相信食物好食, 唔會單單係因為有介紹, 無論點師傅都要有番咁上下功夫先得當然, 如果係差, 我緊係唔會踩佢, 但好, 就更無理由唔讚下自問下面係憑良心評價我無影相, 只可以按記憶講下拔絲咕嚕肉 - 本來想叫生炒骨, 但師傅介紹, 話拔絲咕嚕肉好食D, 貴20都試下, 本來怕拔絲響面加左層糖醬會好甜, 但好彩, 唔算太誇, 剛剛上檯時, 拔絲真係脆到咯咯聲, 肉有肥肉, 無骨, 入口外脆內軟淋, 連食到尾剩低一舊響碟清埋最後果舊時, 雖然已經回冷但都仲有少少脆麻辣豬肺 - 總共叫左兩兜, 第一兜已經覺得好好食, 好食到我地食到尾問夠唔夠野要唔要加時, 加多一兜, 點知出黎仲好食過第一兜, 因為比第一兜再辣左少少, 除左豬肺仲有喉位, 總之就好好食, 成檯人都係好驚喜薯仔牛柳粒 - 唔知佢用咩牛, 佢無標榜, 價錢亦唔係貴, 但牛柳無話被鬆肉粉拿得好緊要, 不過又好淋, 而且薯仔走油完, 外面少少焦裡面粉, 加上個面有調味個少少咸味, 都好好食乾煎金錢鱔 - 鱔本身肉脆, 雖然覺得油香少左少少, 但鱔味都夠, 而且佢煎得好好, 夠乾身, 如果調味
當然, 如果係差, 我緊係唔會踩佢, 但好, 就更無理由唔讚下
自問下面係憑良心評價
我無影相, 只可以按記憶講下
拔絲咕嚕肉 - 本來想叫生炒骨, 但師傅介紹, 話拔絲咕嚕肉好食D, 貴20都試下, 本來怕拔絲響面加左層糖醬會好甜, 但好彩, 唔算太誇, 剛剛上檯時, 拔絲真係脆到咯咯聲, 肉有肥肉, 無骨, 入口外脆內軟淋, 連食到尾剩低一舊響碟清埋最後果舊時, 雖然已經回冷但都仲有少少脆
麻辣豬肺 - 總共叫左兩兜, 第一兜已經覺得好好食, 好食到我地食到尾問夠唔夠野要唔要加時, 加多一兜, 點知出黎仲好食過第一兜, 因為比第一兜再辣左少少, 除左豬肺仲有喉位, 總之就好好食, 成檯人都係好驚喜
薯仔牛柳粒 - 唔知佢用咩牛, 佢無標榜, 價錢亦唔係貴, 但牛柳無話被鬆肉粉拿得好緊要, 不過又好淋, 而且薯仔走油完, 外面少少焦裡面粉, 加上個面有調味個少少咸味, 都好好食
乾煎金錢鱔 - 鱔本身肉脆, 雖然覺得油香少左少少, 但鱔味都夠, 而且佢煎得好好, 夠乾身, 如果調味再甜少少我覺得會更好, 不過其他人話已經好好食
石頭飯 - 用燒熱石頭鍋載住類似福建炒飯但係兜亂, 掂住石頭鍋果D 飯會微微有飯焦但無痴底, 我本身鍾意食炒飯, 又鍾意食福建炒飯, 所以我覺得都幾好, 最驚喜, 係以為個石頭鍋應該會見到好多油, 但竟然無乜
南乳炸碎雞 - 有人話覺得南乳味差少少, 有人話覺得夠, 可能純粹係個人口味, 我自己就覺得味已經夠了, 而且我食果夠, 做到外面乾但裡面有肉汁而且肉滑
涼拌豬肺 - 呢個係食到尾師傅入黎傾計時再介紹, 好特別, 呢個涼拌味出面未食過, 帶麻油味少少辣, 加上佢上面有D 秘製料, 唔識形容, 但真係幾好食
讚左好多, 都要憑良心講番下
豉油皇鵝腸 - 我係重口味既人, 食鵝腸, 要LUN 住鵝油果D 先覺得好食, 但鵝腸出到黎無油, 而且唔知係咪啤過水, 夠脆但感覺唔夠咬勁, 而且鵝腸味淡, 加上個豉油皇汁唔知係咪因為芽菜出水而太稀, 鵝腸痴唔到豉油皇個味, 呢一味, 係有D 失望
黃金炒蟹 - 蟹本身好靚, 好多膏, 同埋肉好實, 但個咸蛋黃咸左少少, 令其他人唔敢食太多, 最後由平時唔食蟹既我, 食左兩件身
總括黎講, 好滿意
張貼