釗記海鮮小菜

營業中

休息中

幫襯過幾次，大廚手藝的確不錯，仲愈來愈多客人慕名而來。不過近來質素每況愈下，伙記落單不清不楚，自來海鮮煮好之後攪唔清楚邊枱客人的order, 見過多次同食客爭拗海鮮份量，亦見過撈亂客人自攜海鮮，出現非常尷尬場面。發生喺我身上的一次谷氣事件；係我order咗碟豉油王炒麵，上枱得半碟份量，我同伙記仔投訴：吓……唔係麻，得半碟？伙記仔竟然話：我睇住師父炒嘅！落足兩個麵架喇！！我當堂呆咗-_- ，呢次堅嬲，所以決定唔再幫襯。再好食都假，更何況多人光顧之後質素已經大大不如前。