影片
更多
2017-11-25
220 瀏覽
今日同同事一齊出街食飯，尖沙咀呢要頭一向都非常多嘢食，林林總總，都唔知去邊度食好，同埋好多時候都需要排晒長龍，等好耐只係食到一間好普通嘅茶餐廳。於是行遠少少，我哋就嚟到堪富利士道搵好嘢食，黎到一間喺樓上嘅小店，於是就享受我哋靜靜既一個鐘。呢間餐廳嘅食物質素超出我所想，不但環境好，裝修別緻，職員嘅服務態度一流之外，最重要嘅係食物質素比我想像中好好多。因為一開始以為呢一度主力都係食甜品，以為佢其他嘅套餐，質素一定冇咁好，點知真係會食過想再返番轉頭。呢度嘅套餐價格都唔算貴，而且選擇都幾多。我哋問一問字侍應有邊啲好介紹，於是就叫左一個香煎比目魚配芥末忌廉汁，同焗爵祿街咖喱牛肉飯，呢一個鐘好好地享受我哋嘅午餐！頭盤係一個紅菜頭沙律，紅菜頭嘅甜味加埋醋酸，已經十分開胃醒神，食完咁正嘅頭盤已經急不及待地想食我哋嘅午餐。咖喱牛肉飯有別於出邊食到嘅咖喱牛肉飯，一食落去果下同出面好油膩嘅咖喱完全唔同，呢間既咖哩會令你食落去嘅感覺回味無窮，而且十分開胃，我都係第一次咁鍾意食咖喱，但係呢個會有少少辣，原因係因為呢個係一個英式嘅咖喱，師傅做同我地介紹，呢個咖喱係佢當年係唐人街嘅時候，自家研製嘅咖喱，所以除咗有咖
呢間餐廳嘅食物質素超出我所想，不但環境好，裝修別緻，職員嘅服務態度一流之外，最重要嘅係食物質素比我想像中好好多。因為一開始以為呢一度主力都係食甜品，以為佢其他嘅套餐，質素一定冇咁好，點知真係會食過想再返番轉頭。呢度嘅套餐價格都唔算貴，而且選擇都幾多。我哋問一問字侍應有邊啲好介紹，於是就叫左一個香煎比目魚配芥末忌廉汁，同焗爵祿街咖喱牛肉飯，呢一個鐘好好地享受我哋嘅午餐！
頭盤係一個紅菜頭沙律，紅菜頭嘅甜味加埋醋酸，已經十分開胃醒神，食完咁正嘅頭盤已經急不及待地想食我哋嘅午餐。
咖喱牛肉飯有別於出邊食到嘅咖喱牛肉飯，一食落去果下同出面好油膩嘅咖喱完全唔同，呢間既咖哩會令你食落去嘅感覺回味無窮，而且十分開胃，我都係第一次咁鍾意食咖喱，但係呢個會有少少辣，原因係因為呢個係一個英式嘅咖喱，師傅做同我地介紹，呢個咖喱係佢當年係唐人街嘅時候，自家研製嘅咖喱，所以除咗有咖喱嘅香辣之外，係會比較開胃，唔會油膩，因為做法有別於一般嘅咖喱做法。
而d牛肉，都唔係浸入咖喱汁裏面，而係兩者分開，除咗咖喱汁之外，上邊做鋪左一層芝士，雖然呢個飯真係好邪惡，但係都非常非常值得一試，以呢個價錢來講，好值得會票價。
比目魚方面，師傅都煎得好香口，比目魚軟硬適中，又唔會腥，最重要就係，除咗佢個汁好惹味之外，隔離嘅配菜都非常之好食，同比目魚十分配。嘢飲方面我叫左一杯蘋果薑茶，女人最適合飲嘅茶，暖胃，蘋果味好濃之餘加上熱辣辣嘅薑味，再配埋咖喱飯真係一絕。而朋友就叫咗一杯wolf berry &pink Guava , 口感辣辣地，而且入邊仲有乾冰，視覺效果一流之外，味道都十分刺激。
食完之後仲有呢一度嘅主打，甜品，一上碟嘅時候已經覺得十分驚喜，果然係呢一度嘅主打甜品，因為賣相非常之吸引，忍唔住影咗好多張相，而甜品上面嘅裝飾原來全部都食得落肚嘅，雖然食完個飯已經感到好飽，但係都忍唔住將呢個甜品全部吞晒落肚，可想言之呢度嘅食物質素真係非常之正！日後同同事食飯嘅時候真係要多多幫襯呢一間，支持一下小店，支持一下咁正嘅食物質素！
張貼
