Casa Di Thali (已結業)

我哋今日既午餐比上次再行遠啲，喺富榮花園向西九政府合署方向再行落啲，會見到呢間印度人開，做意大利菜，亦做印度午餐既小店 《Casa Di Thali 》。其實，八卦左呢間咁特別既小店好耐，今日特登行遠啲嚟試吓。首先，行入嚟真係小店間隔，一眼睇曬；三張四人枱，一兩張二人座已經係小店極限，想有位坐所以放晏晝真係早啲到。雖然 Casa 午餐有好多意菜選擇，但咁啱今日四枱人同見啲外賣都揀左印菜選擇。侍應全為南亞人，服務點菜全英語對答。等左十分鐘先上前菜《印式薯餅》，基本上用薯蓉比較貼切，有大量鷹嘴豆，乳酪，灑上大量麵粉粒，微辣開胃。主菜我揀左 Lamb Biyani , 侍應介紹為炒飯，我理解更加似燴飯吧。Biyani 用印度紅黃米煮，跟幼細洋䓤粒，印度香葉，七八件羊肉粒一併煮，分量不大，跟飯有乳酪中和辣味。羊肉粒軟冧，一口size , 仍有小量羊羶味剛剛好。今日呢碟biyani 比傳統版本「濕」，亦多左半只蒸蛋，估計師傅在傳統Biyani 加以「港式」改良 😅總結： 奧運大角嘴獨有印度 crossover 意大利餐廳。價位較高，上菜時間亦較長。印菜味道豐富，甜品 Tiramisu 具水準；正