好友在大角咀居住，是日提議嘗試一下金船長以外的食店，意外地找到了在街角的Smart Pepperoni Pizza!
Lunch time時間到達，有大約六種Lunch Set, Lunch Set $48-68, 有湯/Salad, Main Course, Desert, Drink, 揀了鮮三文魚天使麵，朋友見到隔離的珍寶漢堡，又點了一個!
香橙沙律好fresh，鮮三文魚天使麵有忌簾汁，個汁好香濃，三文魚碎碎份量多，芝士味重，而且又唔會太稀，質素唔錯!
珍寶漢堡來到，真係有個頭咁大! 我們要求7成熟，漢堡扒有嚼勁不鬆散，但未如理想中juicy，牛肉味不夠濃郁。
包鬆軟，表面脆。夾附的蕃茄，酸甜、清爽與漢堡扒配合得宜。伴碟的粗薯條外脆而內裡保存恰當水份，沒撤鹽調味，我很喜歡此做法，食客可以自己調較! $58絕對超值!
環境方面﹐地方乾淨﹐以藍色為主，加上輕音樂，有淡淡的外地feel，不錯，一定會再來!
