鍋 (已結業)

🍗炸雞 半份 $78 (7.5/10)炸雞炸得香脆，炸粉都好薄，雞肉好嫩滑，醬汁係店主每日自家製，食落去比較偏酸辣口味，比起坊間比較偏甜嘅韓式辣醬就比較酸同埋辣少少。🍴海鮮部隊鍋 $368 (8/10)海鮮部隊鍋非常豐富，有兩隻鮑魚，五隻蝦， 蜆，年糕，午餐肉，魚糕，冬菇金針菇下面仲有大量芽菜洋蔥同埋白菜！海鮮非常新鮮，鮑魚都彈牙蝦肉都爽口蜆都冇沙，非常欣賞佢個魚糕係真係韓式嗰種，好好食！個湯辣度適中，唔會好辣，食唔到辣都覺得啱啱好！食完啲餸仲可以加個麵落去煮。個麵吸收曬湯底精華，加埋芝士真係冇得輸🤤一定要加芝士🧀🍓士多啤梨牛奶沙冰 $48 (7/10)士多啤梨奶昔加咗cream真係打卡一流，甜甜地，有士多啤梨味，感覺唔似牛奶沙冰，似加咗雪糕去打。推薦指數: 8/10海鮮部隊鍋好足料，好少食到咁正又好食嘅鍋，兩個人share啱啱好，多人嘅話可以叫多啲嘢食🥰餐廳舒服服務又好，推薦~