醬堡 (已結業)

是日去左大角咀做野，朋友帶左我黎呢間漢堡食lunch, 位置有點隱蔽，不過食物質素幾好。食物選擇方面都有好多種類，我都係選擇我最愛既既磨菇芝士雞堡，加左套餐要沙律同波羅汁。朋友就點左BBQ醬和牛堡配水果盒同冷泡伯爵花茶。雞扒好大塊，而且入面配料都多，一路食一路有肉汁流出黎，沙律菜份量都幾多，波羅汁仲係原支入口，質素保證。朋友點既和牛漢堡都唔差，和牛大塊，而且煎既火喉剛好，表面有少少烘烤味道，留有肉汁，唔會成塊鞋拾拾。水果盒都新鮮，食漢堡都可以食得健康。