影片
更多
2019-07-14
1511 瀏覽
La vigne大角咀又一好推介， 寧靜中的西餐帶d輕音樂，仲要咁岩餐廳安排左人係度彈結他，整個環境氣氛都好好，好岩放完工黎Chu一Chu。樓底又高，座位都闊落，坐得夠舒服，唔會覺得逼逼夾夾。。紫薯忌廉湯平時都係飲下南瓜湯、龍蝦湯等嘅餐湯，今次嘅湯竟然係紫薯口味，認真驚喜。賣相幾靚，個湯都幾稠身，有陣陣濃香嘅紫薯味，味道都好正，好好飲同夠滑。紅酒燴牛肉意粉餐廳好貼心咁紅酒燴牛肉、意粉咁分開擺，仲有唔少嘅菜蔬做伴碟，賣相都幾唔錯。意粉軟硬適中，煮得岩岩好，口感好好唔會淋曬彈牙嘅，意粉有少少調左味，帶少少咸味，同香草味，份量亦都十分多。紅酒牛肉嘅牛肉煮得夠淋，牛味重，仲有香濃紅酒味，十分開胃。拿破崙意粉寛條麵半孜然羊排極力堆介，羊排好好味，熟度岩岩好，味道突出，而個羊肉好有口感啖啖肉，有酒店水準！意粉係比較粗身嘅，所以煮起黎無咁易諗，再配番茄底汁去煮，可以煮耐少少，令到個醬汁更加入到個意粉度，呢個配搭出奇地夾。挪威三文魚鮮菌意大利飯意大利飯軟硬度適中，餐廳落料十分足，個意大利飯十分Creamy，入面有三文魚粒同埋鮮菌粒，三文魚有少少調味，有少少嘅咸味，鮮菌粒口感鮮明彈牙，令到成個飯口感十分
La vigne大角咀又一好推介， 寧靜中的西餐帶d輕音樂，仲要咁岩餐廳安排左人係度彈結他，整個環境氣氛都好好，好岩放完工黎Chu一Chu。樓底又高，座位都闊落，坐得夠舒服，唔會覺得逼逼夾夾。。
紫薯忌廉湯
平時都係飲下南瓜湯、龍蝦湯等嘅餐湯，今次嘅湯竟然係紫薯口味，認真驚喜。賣相幾靚，個湯都幾稠身，有陣陣濃香嘅紫薯味，味道都好正，好好飲同夠滑。
紅酒燴牛肉意粉
餐廳好貼心咁紅酒燴牛肉、意粉咁分開擺，仲有唔少嘅菜蔬做伴碟，賣相都幾唔錯。意粉軟硬適中，煮得岩岩好，口感好好唔會淋曬彈牙嘅，意粉有少少調左味，帶少少咸味，同香草味，份量亦都十分多。紅酒牛肉嘅牛肉煮得夠淋，牛味重，仲有香濃紅酒味，十分開胃。
拿破崙意粉寛條麵半孜然羊排
極力堆介，羊排好好味，熟度岩岩好，味道突出，而個羊肉好有口感啖啖肉，有酒店水準！意粉係比較粗身嘅，所以煮起黎無咁易諗，再配番茄底汁去煮，可以煮耐少少，令到個醬汁更加入到個意粉度，呢個配搭出奇地夾。
挪威三文魚鮮菌意大利飯
意大利飯軟硬度適中，餐廳落料十分足，個意大利飯十分Creamy，入面有三文魚粒同埋鮮菌粒，三文魚有少少調味，有少少嘅咸味，鮮菌粒口感鮮明彈牙，令到成個飯口感十分豐富，三文魚同鮮菌粒味道較輕，配合意大利飯平衡做得剛剛好。
牛奶布甸
夠滑，好香牛奶味，又唔會太甜
呢度嘅野食完全值回票價，店員服務態度夠好，會細心推介食物。廚師放左唔少心機出品度，食得出好有心機煮，三個餸都無overtook，絕對有酒店水準。晚餐百幾蚊，有沙律湯主菜，餐飲，甜品，幾抵！
張貼
