老掌櫃東北菜館 (利奧坊) (裝修中)

今晚搵咗住大角咀嘅朋友敘舊，就去咗佢屋企附近呢間東北菜餐廳，好彩早少少到，七點鬆啲就已經全場滿座！黃金蝦球每個蝦球都大大嚿，蛋黃配埋啲炸粉炸得好鬆脆，超好食！蛋黃味都好出！蔥爆牛肉好有鑊氣，洋蔥同蔥一齊炒牛肉爆香！牛肉都好大塊，厚身唔薄干鍋田雞係期間限定嘅小菜，麻辣辣得好過癮，調味啱啱好，田雞份量都好多，四個人share食都可以！佢哋嘅小菜份量好多，每樣小菜都好有鑊氣！下次想試埋佢嘅片皮鴨！📍老掌櫃東北菜館 地址：大角咀嘉善街18號利奧坊地下G708-G709號舖