嚟到見到餐廳外部就有種東南亞渡假feel。
內裹簡單光猛，空間寬闊舒適，環境乾淨真係幾好。
睇下啲食物有無唔同
開始就比門口張相吸引住，所以呢個馬來濃湯蝦麵就係必點
真係唔錯蝦濃郁鮮美，材料又多，有2隻大蝦，3，4塊花肉，魚餅（魚片），同吸滿蝦湯豆卜，味道正常，只係略為帶甜，但配上廚師秘製辣醬同摻摻粉，真係好
印式咖哩羊腩，單睇外表，我仲意為啲羊會好硬，但原來正正相反，肉質軟霖，入味，而且份量岩岩好。
越式炒什菜
馬來奶油蝦 ，食返3年無食過嘅味道，呢道奶油蝦係馬來名菜，當中咖哩葉嘅配料係香港少見。所以令我好懷念。個汁好肥，但撈飯真係好好味
豉椒炒蟶子 ，落單位同事極力推介，火喉夠，蟶子肉質飽滿，唔錯。
珍多冰，椰味香濃，但我個人覺得唔夠甜。
整體搬左新鋪嘅越旺美食環境乾淨左，舒服左。食物質素保持，員工亦有禮，所以我會再來。
