油炆荀 $50
味道甜中帶鹹，仲有濃郁嘅八角同少少花椒味，係一碟唔錯嘅開胃小菜🤤
紅油抄手 $65
紅油抄手我哋食過唔少，但呢間嘅就有啲與別不同。最主要個分別係個抄手皮，薄得嚟又煙煙韌韌😍入面嘅韮菜豬肉餡充滿肉汁，再加埋麻香嘅辣油，令到味道更有層次🌶🌶
乾煸四季豆 $88
呢道餸真係好好食～四季豆炒十分入味而且充滿鑊氣🔥🔥清脆嘅口感，配上焦香濃豆瓣醬味嘅肉碎，令人食慾大開，即刻想食多碗飯啊🍚
排骨擔擔麵 $65
個湯底夠’杰‘夠濃郁🍜麵質亦都夠彈牙，就算食到最尾都唔會話淋哂👍🏻排骨炸到香酥惹味，趁熱食就最香口！
呢間餐廳雖然叫上海老家，但佢除咗有上海菜之外，仲有川菜、杭州菜😱如果想試下新味道，都係個好選擇~
