RuRu Tapas Restaurant (已結業)

Ruru係大角咀新開嘅西班牙酒吧餐廳，是日同同事喺附近做完野，見時間仲早，就一齊喺度食少少野吹下水先各自歸家。因為係西班牙菜，所以menu都係以Tapas為主，不過都有甜品同比較飽肚嘅飯麵同主菜。西班牙辣椒仔($88)哩度嘅辣椒仔比平時食倒嘅大隻，一隻都等於平時嘅兩隻。雖然叫辣椒仔，不過係完全唔辣嘅，西砌牙做法一般都係煎香左最後灑少少鹽吊下味，辣椒仔爽口得黎唔會有草青味，味道都唔錯嘅。西班牙蛋餅($88) - Ruru嘅蛋餅上面多左兩塊西班牙火腿，蛋餅唔會過老過熟，中間加左啲洋蔥，所以除左食倒火腿囓鹹香味，仲有洋蔥嘅香甜味，食肚得黎都幾好食。香辣大蝦意大利粉($188) - 意粉唔算大份，只係剛好一人份量。意粉用左橄欖油炒，所以食落比較輕盈冇平時忌廉汁底咁滯，意粉都好彈，上面有三隻大蝦，蝦肉幾結實，辣度大約係BB辣，點到即止，係三樣食物裡面我最鍾意。總結，食物唔錯嘅，每個座位都有咕臣，坐得好舒服，好適位同朋友慢慢坐慢慢吹水。