酒筷子 (已結業)

今日收早約左朋友去旺角大戰Namco, 朋友話有間點心新開想試下, 於是就帶左小妹過去! 酒樓環境幾大幾乾淨, 坐得幾舒服🥰 點心款式幾多而且價格唔貴😊🌟蝦餃🦐🥟蝦餃皮皮薄煙韌, 蝦肉爽彈鮮甜🌟話梅叉燒酥 叉燒酥外層酥脆帶微微奶香, 味道有d似菠蘿包上嘅酥皮一樣, 入面嘅叉燒甜甜地幾惹味, 由於酥皮上面撒上話梅粉, 所以食落唔會覺得膩!🌟江南炸春卷非常非常脆, 咬落去聽到好大聲清脆嘅咯咯聲, 內饀豐富, 非常香口!🌟臘味煎蘿蔔糕蘿蔔糕煎得幾香, 入面嘅蘿蔔絲粗幼適中, 幾有咬口, 最正係個辣椒醬, 沾少少已經好夠辣, 辣醬只有純辣味, 唔會又咸又辣咁!🌟蝦烏冬🦐🍜蝦湯味道幾鮮, 唔會死咸重味精, 烏冬口感順滑彈牙掛到湯, 入面仲有豆卜非常吸湯🌟蛋煎倫教糕倫教糕即係白糖糕, 平時就咁食食得多, 用蛋煎都係第一次食, 加左蛋除左食落有好香蛋味, 唔會得個甜字之外, 仲幾有口感