泰嘟嘟

營業中

休息中

今晚同朋友係奧海城行完街, 知道大角咀附近有好多隱世美食, 而本人亦都係一個泰國愛好者, 🇹🇭🇹🇭 雖然免隔離可以去泰國, 但機票甚貴, 於是就先黎呢間餐廳試試, 等機票回復正常價先再去啦~🥰🥰🥰叫左個🦀招牌焗黃咖喱麵包軟殼蟹 + 薄餅🫓軟殼蟹有微微既蟹膏, 而且炸得好香脆, 用黃咖喱淋上面, 外軟內脆既效果, 令口感更為豐富! 之後再用佈滿左黃咖喱既麵包, 一啖咬落口, 咖喱既香味完全充斥住成個口腔! 之後仲叫多左個薄餅, 薄餅非常香脆, 再配個咖喱汁一齊食, 真係好豐富, 雖然好重澱粉質, 但一次半次就無所謂啦!識食緊係叫埋馬拉盞炒通菜🥬～呢個稍為辣左少少, 不過我呢D食得辣既朋友, 就梗係中意啦! 落左馬拉盞黎炒, 食落去好惹味, 師傅炒得好夠火喉! 上面落左少少既炸蒜, 可以輕輕調味~ 而份量亦都岩岩好, 可以中和返之前食落去既飽滯感最後叫左泰式燒大頭蝦嚟過下癮🥰🦐師傅燒得好香口, 而且蝦頭真係好大隻, 有少量既蝦膏, 而蝦肉亦都新鮮彈牙, 份量亦都好多, 由於太好食既關係, 真係忍唔住食到”啜啜聲” 添呀!飲品方面叫左個椰青非常鮮甜, 有D椰青變壞/揀得唔好, 會有少少酸+苦