麥金.麥金馬來西亞特式茶啡室 (已結業)

因為本身好鍾意食椰漿飯…同埋食沙嗲串燒…所以隔唔屎都會食下馬拉野…今次就試下位于大角咀既麥金麥金…呢度既裝修同其他馬拉餐廳差唔多…深色木傢俬…吊扇…紙皮石磚…感覺都好似去左馬拉感覺。望下餐牌呢度除左有馬拉野都有d泰式野食。不過食得馬拉野當然點番d馬拉食品。肉骨茶 - 其實我怕好重藥材味既肉骨茶…呢度既藥材味又唔太重加上任飲…我點左五花腩…份量都好慷慨。娘惹喇沙 - 朋友點左呢個…望落餸都幾豐富有蝦…蜆…扎肉…豆卜配摻摻(油麵拼米粉)。我就偷左d湯飲…因為喇沙個湯係個靈魂黎。湯都幾濃同椰汁多…唔太辣啱哂唔太好辣既人參巴魷魚椰漿飯 - 我就點左魷魚…間間馬拉野都有水魷。我又好鍾意食水魷。水魷好爽…本身水魷就無乜味要靠個汁。呢個參巴汁都辣辣地幾惹味。椰醬飯都幾乾身…又油香同椰香唔錯。其實有好多傳統既配菜…不過我就走哂花生同魚仔😂😂串燒(雞牛) - 呢個唔錯…夠熱辣辣…唔會好乾。個沙嗲汁甜甜辣辣加好香花生醬味…唔錯。凍奶茶 - 呢個就無港式奶茶咁濃凍吉仔水 - 呢個幾好飲…酸酸甜甜幾消滯整體食物同服務都唔錯…同幾喜歡呢度既裝修…幾有風味