糖沁甜品 (已結業)

食完飯見到附近開左間新既糖水舖，主打低糖健康的甜品。入到去發現仲有飯食，好似好吸引咁，我地叫左個榴連飄香同埋一個北海道牛乳布丁桃膠芋圓。個芋圓好吸引，咩都有啲，個底係涼粉，個牛乳布丁好香滑應該都係自家製，仲有牛奶同椰汁做底，好yummy, 啲芋圓都係自製，數量一啲都唔少，好彈牙有咬口。榴槤飄香似榴槤西米，但好多榴槤肉，夾雜碎冰，食完透心涼。最後意猶未盡，叫多左個蜂密綜合芋圓仙草冰，好多配料好有台灣風味，不過掛住食唔記得影相。